25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Տաջիկստանը Երևանին և Բաքվին կոչ է արել դիվանագիտական ճանապարհով լուծել լարվածությունը
Քաղաքականություն
14.09.2022 | 10:24
Տաջիկստանի վարչապետ Կոխիր Ռասուլզոդան, ելույթ ունենալով Հավաքական անվտանգության պայմանագրի կազմակերպության Հավաքական անվտանգության խորհրդի առցանց արտահերթ նիստում, կոչ է արել դիվանագիտական միջոցներով շուտափույթ կարգավորել իրավիճակը Հայաստանի և Ադրբեջանի սահմանին։ Այս մասին հայտնում է ՏԱՍՍ-ը՝ հղում կատարելով տաջիկական ազգային «Խովար» լրատվական գործակալությունը։
Նշվում է, որ վարչապետը հանդիպմանը մասնակցել է Տաջիկստանի նախագահ Էմոմալի Ռահմոնի անունից։ Ռասուլզոդան տաջիկական կողմի մտահոգությունն է հայտնել Հայաստանի և Ադրբեջանի միջև սրման վերաբերյալ։
Նա ընդգծել է, որ այժմ «կարևոր է կանխել իրավիճակի հետագա սրումը և հնարավորինս արագ վերադարձնել խնդիրների լուծման քաղաքական ու դիվանագիտական ուղին»։
Ռասուլզոդան վստահություն է հայտնել, որ տարածաշրջանում խաղաղության և կայունության ապահովման միակ ճանապարհը ընդունված փաստաթղթերի հիման վրա երկխոսության միջոցների արդյունավետ օգտագործումն է։
Տաթև Ֆռանգյան
