06.11.2024 | 11:25
Սնուփ Դոգի պահանջով համերգի ամսաթվի մասին տեղեկությունները ներկա դրությամբ չեն կարող հրապարակայնացվել․ «Դոպինգ Սփեյս»
ԱՄՆ-ը պետք է դադարեցնի Ադրբեջանի անվտանգության ապահովմանն ուղղված ողջ աջակցությունը․ Ռոբերտ Մենենդես
Քաղաքականություն
13.09.2022 | 08:57
ԱՄՆ Կոնգրեսի Սենատի արտաքին գործերի հանձնաժողովի նախագահ Ռոբերտ Մենենդեսը դատապարտել է Ադրբեջանի կողմից Հայաստանի բնակավայրերի վրա հարձակումը:
«Խորապես անհանգստացած եմ ՀՀ տարածքի վրա ադրբեջանական հարձակումների մասին հաղորդագրություններով։ Հայկական քաղաքների և անմեղ քաղաքացիների գնդակոծումն անօրինական է և անընդունելի։ Աշխարհը պետք է դիմադրի ավտորիտար դաժանությանը։ ԱՄՆ-ը պետք է դադարեցնի Ադրբեջանի անվտանգության ապահովմանն ուղղված ողջ աջակցությունը»,- թվիթերի իր միկրոբլոգում գրել է ամերիկացի կոնգրեսականը։
Հիշեցնենք, որ ԱՄՆ Պետդեպարտամենտը ևս հայտարարություն է տարածել՝ մտահոգություն հայտնելով հայ-ադրբեջանական սահմանի երկայնքով, այդ թվում՝ Հայաստանի տարածքում քաղաքացիական բնակավայրերի վրա հարձակումների առնչությամբ: Պետդեպարտամենտը հիշեցրել է՝ «Միացյալ Նահանգները վաղուց հասկացրել է, հակամարտությունը ռազմական լուծում չունի»՝ կոչ անելով անհապաղ դադարեցնել ռազմական գործողությունները:
Տաթև Ֆռանգյան
