16.09.2026 | 18:10
Ալեն Սիմոնյանը՝ ռուսական ռազմաբազայի մասին // Նոր Սահմանադրության տեքստը մինչև տարեվերջ կհրապարակվի․ ԼՈՒՐԵՐ
Շոլցը հայտարարել է, որ գերմանական զենքերը վճռորոշ դեր են խաղում ուկրաինական պատերազմում
Քաղաքականություն
12.09.2022 | 21:37
Գերմանիայի կանցլեր Օլաֆ Շոլցը կարծում է, որ այն զենքերը, որոնք Գերմանիան փոխանցել է Ուկրաինային, վճռորոշ դեր են խաղում ռազմաճակատի ընթացիկ իրադարձություններում։ Այս մասին գրում է Spiegel-ը։
Շոլցը նշել է, որ Գերմանիան իր դաշնակիցների հետ միասին համապարփակ աջակցություն է ցուցաբերել Ուկրաինային։
«Մենք մատակարարել ենք նաև շատ արդյունավետ զինատեսակներ, որոնք այժմ որոշիչ դեր են խաղում ընթացիկ մարտերում»,- ընդգծել է նա։
Կանցլերը հիշեցրել է, որ Գերմանիայից Ուկրաինային տրամադրվող ռազմական օգնությունը ներառում է Gepard զենիթային զենքեր, PzH 2000 հաուբիցներ, MLRS և IRIS-T հակաօդային պաշտպանության նորագույն համակարգեր։
Հիշեցնենք, որ Բունդեսթագը Գերմանիային հորդորել էր մեծացնել Ուկրաինային զենքի մատակարարումները։ Հաղորդվել է նաև, որ Գերմանիան մտադիր է Ուկրաինային փոխանցել Biber մեքենաներ և Gepard տանկեր։
Տաթև Ֆռանգյան
