16.09.2026 | 12:52
Ալեն Սիմոնյանն ընդունել է Հայաստանում Վրաստանի դեսպանին
ՌԴ ԱԳՆ-ն չի բացառում, որ կհրաժարվի ստամբուլյան հացահատիկային գործարքի երկարաձգումից
Քաղաքականություն
12.09.2022 | 15:34
Ռուսաստանի համար ակնհայտ է, որ պարենային գործարքի ներկայիս իրավիճակին չի կարելի համակերպվել։ Այս մասին հայտարարել է ՌԴ փոխարտգործնախարար Ալեքսանդր Գրուշկոն՝ մեկնաբանելով դրա երկարաձգման հեռանկարները, գրում է ՌԻԱ Նովոստին։
«Այնտեղ կետ կա, որ այն գործելու է 120 օր, դրանից հետո երկրները պետք է դիտարկեն հետագա գործողությունները։ Անհրաժեշտության դեպքում՝ կարող են փոփոխություններ մտցվել համապատասխան համաձայնագրում։ Մենք խնդիրը դրել ենք, քանի որ իրերի ներկա վիճակին համաձայնել չի կարելի, քանի որ այն հակասում է սկզբունքային հասկացություններին»,-ասել է Գրուշկոն։
Նա հավելել է, որ փաստաթղթի իրականացման վերլուծությունը վկայում է, որ գործընկերները հերթական անգամ «անբարեխիղճ մոտեցում են ցուցաբերել»։
«Եվ եթե նայեք նավերի երթուղիների վիճակագրությանը, ակնհայտ կդառնա, որ ավելի քան 87%-ը գնում է ոչ թե ամենաաղքատ երկրներ, որտեղ կա սովի իրական վտանգ, այլ ԵՄ և այլ երկրներ, որոնք սովին չեն առնչվում։ Բացի այդ՝ որոշումները, որոնք ԵՄ-ն ընդունում է պատժամիջոցների չեղարկման վերաբերյալ, հստակ ցույց են տալիս, որ ԵՄ-ն մտադիր չէ գործել Ստամբուլում ստորագրված հուշագրի համաձայն»,- ասել է ՌԴ ԱԳ փոխնախարարը։
Հիշեցնենք, որ հացահատիկային գործարքը ստորագրվել է Ստամբուլում հուլիսի 22-ին՝ Ուկրաինայի, Ռուսաստանի, Թուրքիայի և ՄԱԿ-ի միջև։
Էմմա Չոբանյան
