21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
«Քաղաքացիական պայմանագիր» խմբակցությունն այսօր փակ նիստ կանցկացնի
Քաղաքականություն
09.09.2022 | 16:30
Խորհրդարանական «Քաղաքացիական պայմանագիր» խմբակցությունն այսօր՝ ժամը 17։00-ին, Ազգային ժողովում փակ նիստ կանցկացնի։
Factor.am-ի աղբյուրի փոխանցմամբ՝ խմբակցությունն աշնանային նստաշրջանից առաջ քննարկելու է անելիքները։
Հիշեցնենք՝ սեպտեմբերի 12-ին կմեկնարկի Ազգային ժողովի աշնանային նստաշրջանը։
Մինչ այդ խորհրդարանի երկու ընդդիմադիր խմբակցությունները Factor.am-ի հետ զրույցում վերահաստատեցին՝ կշարունակեն քաղաքական բոյկոտը և չեն մասնակից Ազգային ժողովի նիստերին։
«Հայաստան» և «Պատիվ ունեմ» խմբակցությունները շուրջ 5 ամիս է՝ բոյկոտել են խորհրդարանական աշխատանքը։ Նախ փողոցում շուրջօրյա հանրահավաքներով և նստացույցերով փորձեցին հասնել վարչապետ Նիկոլ Փաշինյանի հրաժարականին, ապա հայտարարեցին, թե պայքարը շարունակում են այլ ձևաչափով։ Այժմ ժամանակ առ ժամանակ հանրահավաքներ են անում։
