06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ՀՀ-ում սննդամթերքն ավելի թանկ է, քան շատ երկրներում․ կոմունիկացիաների բացումը մեզ ձեռնտու է․ Փաշինյան․ ՏԵՍԱՆՅՈՒԹ
Քաղաքականություն
08.09.2022 | 16:48
«Իմ միանշանակ համոզմունքն է, որ կոմունիկացիաների բացումը ՀՀ տարածքով ՀՀ-ի համար միանշանակ մեզ ձեռնտու է: Այս մասին, այսօր Վլադիվոստոկում հայ համայնքի հետ հանդիպման ժամանակ հշեց ՀՀ վարչապետ Նիկոլ Փաշինյանը՝ հավելելով՝ հասկանալի է, որ այստեղ կան վախեր ու մտավախություններ:
«Նրանք, որոնք տնտեսական գործունեությամբ են զբաղվում, կարող են ասել, թե երկաթուղիների ու ճանապարհների առկայությունն ինչքան շատ բան է փոխում:
Մենք հետազոտություն ենք արել և պարզել, որ սննդամթերքի գները Հայաստանում ավելի բարձր են, քան շատ երկրներում: Եվ գալիս հանգում ենք տրանսպորտի խնդրին, որն այսօր ավելի է սրվել»,- նշեց Փաշինյանը՝ կրկին ընդգծելով, որ տրանսպորտային կոմունիկացիաների բացումը ՀՀ-ին ձեռնտու է։
«Եթե կոմունիկացիաների բացումը մեզ ձեռնտու է, մենք չենք կարող այնպիսի լուծումների գնալ, որը միայն մեզ է ձեռնտու, մնացած բոլորին ձեռնտու չէ:
Ինչպես օրինակ Իրանից, Վրաստանից Հայաստան կարող են մուտք գործել և ելք անել տրանսպորտային միջոցներ, մենք դեմ չենք, կողմ ենք, որ նույնը տեղի ունենա նաև Թուրքիայի և Ադրբեջանի հետ: Այս հարցի շուրջ դեռևս չի հաջողվել վերջնական համաձայնության գալ: Դա կապված է որոշ իրավական կարգավորումների հետ, որտեղ մեր տեսակետները դեռ վերջնականորեն չեն համընկել:
Այս հարցում համաձայնության գալուց հետո մենք շատ արագ և՛ երթուղիների հարցը կլուծենք, և՛ գործնական ճանապարհների բացման հարցը կլուծենք, ինչը նախատեսված է 2021թ․ հունվարի 11-ին իմ, ՌԴ նախագահի և Ադրբեջանի նախագահի միջև ստորագրված եռակողմ հայտարարությամբ »,- նշեց վարչապետը:
Մանրամասները՝ տեսանյութում։
