22.04.2026 | 14:20
Ալիևը հայտարարել է, որ Ադրբեջանի և Հայաստանի միջև արդեն իսկ խաղաղություն է հաստատվել
Չենք կարող հարկատուի փողերը դնել մի բանի մեջ, որը նմանվում է վիճակախաղի․ Թունյան․ ՏԵՍԱՆՅՈՒԹ
Տնտեսություն
06.09.2022 | 17:11
Ցանկացած արտոնություն ծախսեր է ենթադրում։ Այս մասին այսօր ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում տեխնոլոգիական ոլորտի կազմակերպությունների պետական աջակցության նոր կառուցակարգին վերաբերող նախագծի քննարկման ժամանակ ներկայացնելով իր դիտարկումները՝ նշեց «Քաղաքացիական պայմանագիր» խմբակցության պատգամավոր Բաբկեն Թունյանը։
Պատգամավորի դիտարկմամբ՝ ԱԺ-ն, որպես բյուջե հաստատող, ծախսերի նկատմամբ պետք է գերուշադիր լինի և հստակ վիճակագրություն ունենա։
«Եթե որևէ ոլորտի տալիս ենք արտոնություն, ինչը նշանակում է, որ պետք է հարկ վճարվեր պետական բյուջե ու չի վճարվել, պետք է նկատի ունենալ, որ այդ հարկը կարող էր ստեղծել ավելի կարևոր արդյունք։ Դրա համար պետք է հստակ վերլուծություն ունենանք․․․ Երբ խոսքը հանրային միջոցներին է վերաբերում, չենք կարող հեշտ ու հանգիստ վարվել։ Այսինքն՝ չենք կարող հարկատուի փողերը դնել մի բանի մեջ, որը նմանվում է վիճակախաղի»,- նշեց պատգամավորը։
Մանրամասները՝ տեսանյութում։
