Փարիզում սկսվում է 2016թ․ Նիսի հարձակման գործով դատավարությունը․ մեղադրյալներից մեկին սպառնում է ցմահ ազատազրկում

Լուրեր

19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
19.11.2026 | 13:37
Չե՛նք հանդուրժելու, զբաղվե՛ք․ Աղաջանյանը Էդգար Ղազարյանի հարցով դիմեց ընդդիմադիրներին․ ՏԵՍԱՆՅՈՒԹ
19.11.2026 | 13:29
Փաշինյանը՝ դեկտեմբերի 3-ին սպասվող Պուտինի հետ հանդիպման մասին․ ՏԵՍԱՆՅՈՒԹ
19.11.2026 | 13:21
Ռուսաստանի հավաքականը չի մասնակցի Եվրո-2028-ին
19.11.2026 | 13:14
Չեմ բացառում` վարչապետից մինչև թաղապետի պաշտոն կարող եմ զբաղեցնել. Ալեն Սիմոնյան․ ՏԵՍԱՆՅՈՒԹ
19.11.2026 | 13:06
«Խոսրովի անտառ» արգելոցի ֆոտոթակարդները կրկին կովկասյան ընձառյուծ են արձանագրել
19.11.2026 | 12:57
Չինաստանում մեկնարկել է Թրամփի, Պուտինի և Սի Ցզինպինի եռակողմ հանդիպումը. ՏԵՍԱՆՅՈՒԹ
19.11.2026 | 12:50
Թրամփը նիրհել է ԱԽՏՀ գագաթնաժողովում Սի Ցզինպինի ելույթի ժամանակ․ ՏԵՍԱՆՅՈՒԹ
19.11.2026 | 12:41
Արմավիրի մարզում 25-ամյա տղամարդը օդաճնշիչ հրացանով պատահաբար կրակել է աներորդու վրա․ 24-ամյա երիտասարդը մահացել է
19.11.2026 | 12:30
Էդպես հեգնել եք լողով զբաղվելը, դրա համար մարզեր կան, որ լողավազան չունեն․ նախարարը՝ ընդդիմադիրներին․ ՏԵՍԱՆՅՈՒԹ
19.11.2026 | 12:25
Բռնցքամարտի Մ-23 ԵԱ. Վաղարշակ Քեյանը և Դավիթ Սիմոնյանը մեկնարկել են հաղթանակով. ՏԵՍԱՆՅՈՒԹ
19.11.2026 | 12:19
Նիկոլ Փաշինյանի ճեպազրույցը՝ ՈՒՂԻՂ
19.11.2026 | 12:16
Ուկրաինան հարվածել է Թաթարստանում նավթամղիչ կայանին
19.11.2026 | 12:10
Ալեն Սիմոնյանն Ադրբեջան կմեկնի // Փաշինյանն Ալիևի հետ անհետ կորածների հարց է քննարկել․ ԼՈՒՐԵՐ
Բոլորը

Յոթ տղամարդ և մեկ կին դատարանի առաջ կկանգնեն Նիսում Բաստիլի օրը տեղի ունեցած ահաբեկչության գործով, որի հետևանքով զոհվեց 86 մարդ։ Ամբաստանյալներին սպառնում է 5 տարուց մինչև ցմահ ազատազրկում։ Գործով դատավարությունը տեղի կունենա Փարիզում, գրում է BBC-ի ռուսական ծառայությունը։

2016 թվականի հուլիսի 14-ին բեռնատարը մխրճվել էր մարդկանց ամբոխի մեջ, որոնք նշում էին Բաստիլի գրավման օրը և հրավառություն դիտում ֆրանսիական Ռիվիերայի Նիսի ամբարտակում: Հարձակման հետևանքով զոհվել է 86 մարդ, այդ թվում՝ 15 երեխա և դեռահաս։ 31-ամյա հարձակվողը՝ ծագումով թունիսցի Ֆրանսիայի քաղաքացի Մուհամեդ Բուլելը, ոստիկանների կողմից տեղում ոչնչացվել է։

Դատախազության տվյալներով՝ ամբաստանյալներն օգնել են Բյուլելին զենք ձեռք բերել, բեռնատար մեքենա վարձել և ուսումնասիրել հարձակվողի երթուղին։

«Ոմանք հույս ունեն, որ այս դատը կօգնի իրենց՝ ուժ գտնել առաջ գնալու համար։ Ոմանք էլ զայրացած են, որ այս դատավարությունն էապես ոչինչ չի փոխի: Մենք գիտենք, որ ահաբեկիչը սպանվել է, գիտենք, որ այս գործով կասկածյալները կդատապարտվեն»,- ասում է «Կյանքը հանուն Նիսի» ահաբեկչության զոհերի ասոցիացիայի նախագահ Ժան-Կլոդ Հաբլերը:

Դատախազությունում նշել են, որ դեռ հայտնի չէ՝ մեղադրյալներն իրենց մեղավոր ճանաչո՞ւմ են, թե՞ հերքում են մեղքը։

Հարձակման պատասխանատվությունը ստանձնել է «Իսլամական պետություն» ահաբեկչական խմբավորումը։ Միևնույն ժամանակ, խմբավորումը ոչ մի ապացույց չի ներկայացրել, որ ահաբեկիչն իրենց հետ անմիջական կապի մեջ է եղել։ Դատախազությունից հայտարարել են, որ այդ կապը պետք է պարզեն դատական գործընթացի ժամանակ։

Ըստ քննիչների՝ երեք մեղադրյալները Մուհամեդ Բյուլելի մտերիմ ընկերներն են եղել։ Նրանք օգնել են Բյուլելին զենք և բեռնատար գտնել։ Նրանցից երկուսին սպառնում է մինչև 20 տարվա ազատազրկում, մյուս հանցակցին՝ Ռամզի Քևին Արեֆին՝ ցմահ ազատազրկում։ Արեֆի փաստաբանը հրաժարվել է պատասխանել հարցին՝ արդյո՞ք իր պաշտպանյալն իրեն մեղավոր է ճանաչում:

Եվս հինգ անձ մեղադրվում է զենքի ապօրինի շրջանառության միջոցով հանցագործությանն անուղղակի մեղսակցության մեջ. նրանց ավելի քիչ ժամկետներ են սպառնում։ Խմբի անդամներից մեկին դատելու են հեռակա։

Նիսի հարձակումը նախապատրաստվել է ամիսներ շարունակ, ըստ Փարիզի դատախազների՝ Բյուլելի բջջային հեռախոսում պահպանված լուսանկարներն ու համացանցային որոնումների պատմությունը ցույց են տալիս, որ նա հարձակմանը նախապատրաստել է 2015 թվականից: Ինքը՝ Մուհամեդ Բյուլելը, ինչպես նաև մեղադրյալներից ոչ մեկը նախկինում չի հայտնվել ֆրանսիական գաղտնի ծառայությունների ուշադրության կենտրոնում։

Այս գործով 850 հայցվորներից շատերը գտնվում են Նիսում, ուստի դատավարությունը, որը կայանալու է Փարիզում, հեռարձակվելու է նաև այնտեղ։

Սպասվում է, որ դատավճիռը կհրապարակվի դեկտեմբերին։

Տաթև Ֆռանգյան