16.12.2025 | 13:33
Արման Ծառուկյանի մրցակիցը փոխվել է
Հայաստանում իրանական ավտոմեքենաների արտադրություն է գործարկվելու
Քաղաքականություն
05.09.2022 | 15:37
Հայաստանում իրանական մեքենաների արտադրության գիծ է գործարկվելու՝ Իրանի Առևտրի խթանման կազմակերպության ղեկավար Ալիռեզա Փեյմանփակի աջակցությամբ, հայտնում է IRNA գործակալությունը։
Նշվում է, որ իրանցի պաշտոնյան ու Հայաստանի էկոնոմիկայի փոխնախարար Նարեկ Տերյանը քննարկել են առևտրային հարաբերությունների զարգացումը, ապրանքների տարանցման այլընտրանքային ուղիները, ինչպես նաև կենցաղային և էլեկտրոնային սարքավորումների համատեղ արտադրական գծի գործարկումը։
Փեյմանփակը հայտարարել է, որ Իրանի խոշորագույն ավտոարտադրողներից մեկը ծրագրում է Հայաստանում ավտոմեքենաների արտադրության գիծ գործարկել։
«Հաշվի առնելով ԵՏՄ-ին Հայաստանի անդամակցությունը՝ դա կարող է ունենալ լավ արդյունքներ երկու երկրների համար»,-ասել է նա։
Իրանցի պաշտոնյայի խոսքով՝ հոկտեմբերի կեսերին Հայաստանում իրանական առևտրի կենտրոնի բացմանը Երևան կայցելի Իրանի առևտրային պատվիրակությունը։ Խոսելով հանքարդյունաբերության ոլորտում երկու երկրների համագործակցության զարգացման մասին՝ պաշտոնյան ասել է, որ Սիսիան-Քաջարան ճանապարհի կառուցումը շատ կարևոր է, որը Հյուսիս-Հարավ նախագծում է ներառված։
Էմմա Չոբանյան
