06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
ՄԱԳԱՏԷ-ի առաքելության անդամները լքել են Զապորոժիեի ԱԷԿ-ը
Քաղաքականություն
05.09.2022 | 15:03
ՄԱԳԱՏԷ-ի մասնագետները լքել են Զապորոժիեի ատոմակայանը, երկու դիտորդ մնացել է կայանում։ Այս մասին հայտնել է Զապորոժիեի տարածաշրջանի նոր ռազմաքաղաքացիական վարչակազմի գլխավոր խորհրդի անդամ Վլադիմիր Ռոգովը, փոխանցում է ՌԻԱ Նովոստին։
«ՄԱԳԱՏԷ-ի առաքելության անդամներն այժմ դուրս են եկել Զապորոժիեի ԱԷԿ-ից, դեռևս այնտեղ որպես դիտորդ մնացել է երկու մարդ»,- ասել է նա։
«Ռոսէներգոատոմ»-ի տեղեկություններով՝ կայանը լքել է ՄԱԳԱՏԷ-ի 4 մասնագետ։
Գործակալության պատվիրակությունն անցյալ շաբաթ այցելել էր ատոմակայան։ Կայանի և «Ռոսատոմ»-ի աշխատակիցները ուղեկցել են ՄԱԳԱՏԷ-ի ներկայացուցիչներին կայանի տարածքով և ցույց տվել գնդակոծությունից տուժած տարածքները։
ՄԱԳԱՏԷ-ի ղեկավար Ռաֆայել Գրոսսիի խոսքով՝ գործակալության առաքելությունը կշարունակի մնալ Զապորոժիեի ատոմակայանում այնքան ժամանակ, որքան անհրաժեշտ կլինի։ Նա նաև հայտնել է, որ սեպտեմբերի 6-ին ՄԱԿ-ի Անվտանգության խորհրդին կտեղեկացնի ուղևորության արդյունքների մասին։
Տաթև Ֆռանգյան
