27.02.2026 | 23:31
Ստեփանծմինդա-Լարս ավտոճանապարհը փակ է
Ղազախստանում մոլեգնող հրդեհները մարդու կյանք են խլել․ կան բազմաթիվ տարհանվածներ և տուժածներ
Քաղաքականություն
04.09.2022 | 10:54
Փրկարարները Ղազախստանի հյուսիսում գտնվող Կոստանայի շրջանի գյուղերից մեկում բռնկված հրդեհի հետևանքով փլատակների տակից մահացածի դին են դուրս բերել, հայտնել է հանրապետության ԱԻՆ ղեկավար Յուրի Իլինը, փոխանցում է «ՌԻԱ Նովոստին»։
Ուրբաթ օրը Ղազախստանի հյուսիսում անտառային հրդեհ է բռնկվել, շաբաթ օրը հրդեհը տարածվել է մոտակա գյուղերի վրա, որտեղից տարհանվել է 1841 մարդ։ Հրդեհը վնասել և ավերել է ավելի քան 100 տուն։
Հրդեհների հետևանքով տուժել է 10 մարդ, այդ թվում՝ արտակարգ իրավիճակների նախարարության երեք աշխատակից։
Վերջին տվյալներով՝ հրդեհի մակերեսը կազմել է 9400 հա։ Մարման աշխատանքներին ներգրավված է 600 մարդ, 91 միավոր տեխնիկա, երեք ինքնաթիռ, հինգ հրշեջ գնացք։ Կիրակի առավոտյան Լեսնոյե գյուղում բռնկված հրդեհները մարվել են, Ամանկարագայ և Օզեռնոյե գյուղերում՝ տեղայնացվել։
