19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Նշվել է հայ-ադրբեջանական սահմանին կայունության ապահովման կարևորությունը. Պուտինը զրուցել է Ալիևի հետ
Քաղաքականություն
03.09.2022 | 15:56
Ռուսաստանի նախագահ Վլադիմիր Պուտինը Ադրբեջանի նախագահ Իլհամ Ալիևի հետ հեռախոսազրույց է ունեցել, որի ընթացքում քննարկել է Հարավային Կովկասում տիրող իրավիճակը, հայտնել է Կրեմլի մամուլի ծառայությունը:
«Կարևորվել են հայ-ադրբեջանական սահմանին կայունության և անվտանգության ապահովման և տարածաշրջանում տնտեսական և տրանսպորտային կապերի հաստատման ուղղությամբ համակարգված ջանքերը։
Այդ համատեքստում հաստատվել է Ռուսաստանի, Հայաստանի և Ադրբեջանի նախագահների 2020թ.նոյեմբերի 9-ի, 2021թ. հունվարի 11-ի և նոյեմբերի 26-ի հիմնարար եռակողմ պայմանավորվածությունների հետևողական իրագործման տրամադրվածությունը»,- ասվում է հաղորդագրության մեջ։
Ալիևը տեղեկացրել է օգոստոսի 31-ին Բրյուսելում ՀՀ վարչապետ Նիկոլ Փաշինյանի և Եվրոպական խորհրդի նախագահ Շառլ Միշելի հետ հանդիպման մասին:
Հաղորդագրության համաձայն՝ քննարկվել են նաև երկկողմ օրակարգի մի շարք գործնական հարցեր, այդ թվում ՝ առևտրատնտեսական, էներգետիկ և հումանիտար ոլորտներում:
