20.11.2024 | 18:30
Կարինե Քոչարը՝ Ռուբեն Քոչարի մեղադրանքների մասին
ՌԴ-ից հեռացել է առաջին խոշոր նավթագազային ընկերությունը՝ նորվեգական Equinor-ը
Քաղաքականություն
02.09.2022 | 22:01
Նորվեգական Equinor նավթագազային ընկերությունը, որը փետրվարի վերջին հայտարարել էր ռուսական շուկայում բոլոր ներդրումների դադարեցման մասին, լքել է Ռուսաստանը։ Այս մասին հաղորդում է RTVI-ը։
Ռուսաստանի հետ ընկերության վերջին նախագիծը Խարյագինսկի հանքավայրում նավթի արդյունահանումն էր։ Սեպտեմբերի 2-ին նորվեգական ընկերությունը հայտարարել է, որ Խարյագինսկի համաձայնագրից դուրս գալու բոլոր գործընթացներն ավարտվել են։
«Դուրս գալու շրջանակում Equinor-ը, համապատասխան կիրառելի պատժամիջոցներին, ավարտել է շահագործման պարտավորությունները, որոնք կուտակվել էին տարիների ընթացքում։ Դուրս գալուց հետո Equinor-ը Ռուսաստանում ո՛չ ակտիվներ ունի, ո՛չ էլ նախագծեր»,- ասվում է ընկերության հայտարարության մեջ։
Նշվում է, որ Ուկրաինայում ռազմական գործողությունների մեկնարկից ի վեր առաջին անգամ միջազգային խոշոր նավթագազային ընկերությունն ամբողջությամբ դադարեցնում է իր աշխատանքը ՌԴ-ում։ Օրինակ, նրա երկու մրցակիցները՝ Shell-ը և BP-ն, որոնք նույնպես պատրաստվում են հեռանալ ռուսական շուկայից, դեռ չեն ավարտել միջոցների դուրսբերումը։
Equinor-ը «Ռոսնեֆտի» կարևոր արտասահմանյան գործընկերներից մեկն էր շահագործման նախագծերում։
Էմմա Չոբանյան
