18.12.2025 | 17:43
Եկել եմ Գերագույն հոգևոր խորհրդի նիստին, օրակարգը չգիտեմ. Վահան սրբազան․ ՏԵՍԱՆՅՈՒԹ
Ուկրաինայի վարչապետը տանկեր է խնդրում ԱՄՆ-ից և Գերմանիայից
Քաղաքականություն
02.09.2022 | 16:19
Ուկրաինայի վարչապետ Դենիս Շմիգալը Գերմանիա մեկնելուց առաջ այդ երկրի իշխանություններին կոչ է արել՝ թույլատրել տանկեր մատակարարել Ուկրաինային, գրում է DW-ն։
Նա պարզաբանել է, որ Ուկրաինան ակնկալում է Leopard-2 տանկերի մատակարարում Գերմանիայից, Abrams-ներ՝ ԱՄՆ-ից։
«Դրանք այն ժամանակակից տանկերն են, որոնք Ուկրաինային անհրաժեշտ են մարտի դաշտում»,- ասել է նա։
Շմիգալի խոսքով՝ սկզբում Ուկրաինային մատակարարում էին միայն պաշտպանիչ սարքավորումներ կամ սաղավարտներ, իսկ այսօր դրանք ամենաժամանակակից զենքերն են։
«Գերմանիան հսկայական առաջընթաց է գրանցել Ուկրաինային զենքով աջակցելու հարցում։ Բայց, իհարկե, մենք ցանկանում ենք որքան հնարավոր է՝ շուտ ստանալ ավելի շատ զենք և տեխնիկա»,- ասել է Շմիգալը։
Միաժամանակ, այս շաբաթվա սկզբին Ուկրաինան Շվեդիային խնդրել էր Archer հաուբիցներ և RBS-70 զենիթահրթիռային համակարգեր մատակարարել։
Հիշեցնենք, որ վաղը Բեռլին կայցելի ուկրաինական պատվիրակությունը՝ Շմիգալի գլխավորությամբ։ Կիրակի Ուկրաինայի վարչապետը կհանդիպի կանցլեր Օլաֆ Շոլցի հետ։ Նշենք, որ Շմիգալն ուկրաինացի ամենաբարձրաստիճան քաղաքական գործիչն է, որը Բեռլին է այցելում Ուկրաինա ռուսական լայնածավալ ներխուժումից ի վեր։
Տաթև Ֆռանգյան
