13.12.2024 | 14:22
Պեսկովը հայտնել է, որ Պուտինի և Փաշինյանի հանդիպում Մոսկվայում չի նախատեսվում
Ալիևը Իտալիայի վարչապետի հետ քննարկել է բրյուսելյան հանդիպումը
Քաղաքականություն
02.09.2022 | 11:41
Ադրբեջանի նախագահ Իլհամ Ալիևը, որը նախօրեին աշխատանքային այցով Իտալիայում էր, հանդիպել է այս երկրի վարչապետ Մարիո Դրագիի հետ։ Ադրբեջանական լրատվամիջոցների փոխանցմամբ՝ Ալիևի և Դրագիի առանձնազրույցում քննարկվել են նաև Բրյուսելում ՀՀ վարչապետ Նիկոլ Փաշինյանի ու ԵԽ նախագահ Շառլ Միշելի հետ կայացած բանակցությունների արդյունքները։
Նշվում է, որ հանդիպմանը ընդգծվել է ԵԽ նախագահ Շառլ Միշելի աջակցությամբ կազմակերպված Բրյուսելյան խաղաղության օրակարգի կարևորությունը։
Բացի այդ, ըստ ադրբեջանական կողմի, կողմերը քննարկել են իտալական ընկերությունների մասնակցությունը Արցախի գրավյալ տարածքների վերականգնման աշխատանքներում։
Էմմա Չոբանյան
