01.11.2024 | 12:16
Տարադրամի փոխանակման պատրվակով խարդախությամբ գումարներ հափշտակելու նոր մեխանիզմ․ ՀՀ ՔԿ-ն զգուշացնում է
Թոշակները շուրջ 10 հազար քաղաքացու համար ևս կբարձրանան 3000 դրամով․ ՏԵՍԱՆՅՈՒԹ
Հասարակություն
01.09.2022 | 12:18
Կառավարության այսօրվա նիստում վարչապետ Նիկոլ Փաշինյանը հիշեցրեց, որ նախորդ նիստում թոշակների բարձրացման որոշում է ընդունվել:
«Եվ մեր նպատակադրումն է, որ այս փուլում թոշակները առնվազն 3000 դրամով ավելանան։ Այդ որոշումը կայացնելուց հետո ես մարզերում այցելության ժամանակ մի քանի դեպքի ականատես եղա, որ տատիկներն ու պապիկները մեզ մոտեցան ու հարցրեցրին, որ կառավարության նիստում մենք հայտարարել ենք առնվազն 3000 դրամով ավելացման մասին, բայց իրենք ասում են՝ մեր թոշակն ավելանում է 1900 դրամով։
Մենք քննարկում արեցինք ու պարզեցինք, որ հետևյալ իրավիճակն ունենք, որ թոշակառուների 97,5 տոկոսի համար սեպտեմբերից թոշակը բարձրանում է առնվազն 3000 դրամով, բայց կա 6400 թոշակառու, որոնց համար թոշակը գործող բանաձևով ավելանում է 2500 դրամով, 5300 հոգու համար բարձրանում է 1900 դրամով։
Եվ մենք քննարկեցինք ու հարկ համարեցինք, որ ճիշտ են այդ դիտարկումները, և մենք 6400 և 5300 մեր սիրելի թոշակառուների համար լրացուցիչ որոշում կկայացնենք, որպեսզի սեպտեմբերի 1-ից բոլորինը բարձրանա առնվազն 3000 դրամով»,- նշեց Փաշինյանը։
Նրա խոսքով՝ փոքր քայլերով թոշակների բարձրացումն էական կլինի, նպատակադրումն այն է, որ պարենային զամբյուղի արժեքից ցածր թոշակ չլինի Հայաստանում։
Մանրամասները՝ տեսանյութում:
