15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
Ֆինլանդիայում ճառագայթման մակարդակի բարձրացում է արձանագրվել
Քաղաքականություն
31.08.2022 | 15:45
Ֆինլանդիայի հարավ-արևելքում գտնվող Կոտկա քաղաքում օդի նմուշներում հայտնաբերվել է ռադիոակտիվ իզոտոպների փոքր քանակություն: Այս մասին հայտարարել է Ֆինլանդիայի միջուկային անվտանգության կարգավորիչը, գրում է Reuters-ը։
«Հայտնաբերված ռադիոակտիվությունը չի ազդում շրջակա միջավայրի կամ մարդու առողջության վրա, քանի որ կոնցենտրացիաները շատ ցածր են եղել»,- ասվում է Ճառագայթային և միջուկային անվտանգության մարմնի (STUK) հայտարարության մեջ:
Նշվում է, որ ցիրկոնիումի և նիոբիումի փոքր քանակությունները կարող են օդ արտանետվել, օրինակ՝ ատոմակայանի վառելիքից կայանի սպասարկման ժամանակ։
Նմուշառման պահին օդային հոսանքները դեպի Կոտա են շարժվել արևելքից և հարավ-արևելքից, սակայն ճառագայթման աղբյուրն անհայտ է։ Կարգավորիչի խոսնակը հայտնել է, որ STUK-ը չի նախատեսում հետագա հետաքննություն անցկացնել։
Հիշեցնենք, որ այսօր՝ օգոստոսի 31-ին, Ատոմային էներգիայի միջազգային գործակալության (ՄԱԳԱՏԷ) առաքելությունը Կիևից մեկնել է Զապորոժիեի ԱԷԿ-ին հարող Էներգոդար քաղաք՝ իրավիճակը ստուգելու և մշտական ներկայացուցչություն հիմնելու համար:
Ակնկալվում է, որ ՄԱԳԱՏԷ-ի առաքելությունը կենտրոնանալու է երեք խնդիրների վրա՝ ֆիզիկական պաշտպանություն, միջուկային անվտանգություն և միջուկային նյութերի տարածման դեմ երաշխիքներ։
Տաթև Ֆռանգյան
