16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Զախարովան հայտարարել է, թե ԵՏՄ-ի հետ Ադրբեջանի երկխոսության զարգացումը «շոշափելի ազդեցություն կունենա ողջ տարածաշրջանի համար»
Քաղաքականություն
31.08.2022 | 14:43
ԵՏՄ-ի հետ Ադրբեջանի երկխոսության զարգացումը շոշափելի ազդեցություն կունենա ամբողջ տարածաշրջանի համար։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Եվրասիական տնտեսական միության հետ Ադրբեջանի երկխոսության զարգացումը ցանկացած ձևաչափով, անշուշտ, շոշափելի ազդեցություն կունենա ողջ տարածաշրջանի համար։ Մեր կողմից դրական ենք գնահատում Ադրբեջանի վարչապետի մասնակցությունը միջկառավարական խորհրդի վերջին նիստին»,- ասել է Զախարովան։
Նա հավելել է, որ Բաքվի և ԵՏՄ-ի համագործակցության ներուժը շատ մեծ է։
«Բաքվի և ԵՏՄ-ի համագործակցության ներուժը, մեր կարծիքով, շատ մեծ է։ Մենք նման համագործակցության մեծ հեռանկարներ ենք տեսնում։ Կարծում ենք, որ դա օգուտ կբերի նաև հայ-ադրբեջանական հարաբերությունների կարգավորման գործընթացին։ Ելույթ ունենալով նշված հանդիպմանը՝ պարոն Ասադովը հայտարարել է ԵՏՄ երկրներին Ադրբեջանի տրանսպորտային և լոգիստիկ ներուժը տրամադրելու պատրաստակամության մասին։ Համոզված ենք, որ տրանսպորտի ոլորտում համագործակցության խորացումը կմեծացնի մեր պետությունների միջև ապրանքաշրջանառությունը և կդառնա համատեղ ենթակառուցվածքային նախագծերի իրականացման երաշխիք»,- հայտարարել է Զախարովան։
Տաթև Ֆռանգյան
