18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ամբողջությամբ դադարեցվել է «Հյուսիսային հոսք 1»-ով Ռուսաստանից Գերմանիա գազի մատակարարումը
Քաղաքականություն
31.08.2022 | 14:13
Այսօր առավոտյան ամբողջությամբ դադարեցվել է «Հյուսիսային հոսք 1» խողովակաշարով Ռուսաստանից Գերմանիա գազի մատակարարումը։ Այս մասին են վկայում գազատարի օպերատոր Nord Stream AG-ի տվյալները, հայտնում է Deutsche Welle-ն։
Գերմանական Nel և Opal գազատարների օպերատորների տեղեկացմամբ՝ գիշերը «Հյուսիսային հոսք»-ով մատակարարվող գազի ֆիզիկական հոսքը Գերմանիայի հյուսիսում գտնվող Գրայֆսվալդի ընդունման կետերից մեկում ամբողջությամբ դադարեցվել է, իսկ երկրորդ դեպքում՝ մի քանի անգամ նվազել։
Ավելի վաղ «Գազպրոմը» զգուշացրել էր, որ Պորտովայա կոմպրեսորային կայանի միակ գործող Trent 60 գազի բլոկը օգոստոսի 31-ից սեպտեմբերի 2-ը կդադարեցվի՝ ենթադրյալ տեխնիկական և կանխարգելիչ սպասարկման համար:
Ըստ «Գազպրոմի»՝ անհրաժեշտ աշխատանքները կիրականացվեն Siemens-ի մասնագետների հետ համատեղ, իսկ սպասարկումից հետո կվերսկսվի գազի մատակարարումը օրական 33 մլն խ․մ․ ծավալով, որը կկազմի գազատարի թողունակության մոտ 20%-ը։
Տաթև Ֆռանգյան
