08.06.2026 | 12:19
Էդմեն Շահբազյանի մասնակցությամբ մենամարտը լավագույնն է ճանաչվել UFC-ի մրցաշարում․ ՏԵՍԱՆՅՈՒԹ
ԱՄՆ-ը մտադիր է Թայվանին 1,1 միլիարդ դոլարի զենք մատակարարել
Քաղաքականություն
30.08.2022 | 15:09
Չինաստանի հետ լարվածության սրման ֆոնին ԱՄՆ նախագահ Ջո Բայդենի վարչակազմը ծրագրում է Թայվանին 1,1 միլիարդ դոլարի զենք մատակարարել։ Կոնգրեսի քննարկմանն է ներկայացվել Թայբեյին 60 հականավային հրթիռներ և 100 «օդ-օդ» հրթիռներ մատակարարելու օրինագիծը։ Այս մասին հայտնել է Politico-ն՝ վկայակոչելով իրազեկ աղբյուրները, փոխանցում է DW-ի ռուսական ծառայությունը։
Պարբերականի զրուցակիցների խոսքով՝ շեշտը դրվելու է Թայվանի պաշտպանունակության պահպանման և արդեն ստորագրված պայմանագրերի կատարման վրա, այլ ոչ թե Թայբեյին ռազմական օգնության ուժեղացման՝ Պեկինի հետ հարաբերությունների սրումը չհրահրելու համար։ Բայդենի վարչակազմը դեռևս չի մեկնաբանել զեկույցը։
Հիշեցնենք՝ օգոստոսի սկզբին Չինաստանն արձագանքել է ԱՄՆ Ներկայացուցիչների պալատի խոսնակ Նենսի Փելոսիի այցին Թայվան՝ կղզու մոտ խոշոր զորավարժություններ անցկացնելով։ Միացյալ Նահանգները պատասխանել է՝ Թայվանի նեղուցով երկու հածանավ անցնելով։
Պեկինը Թայվանը համարում է Չինաստանի ապստամբ նահանգ, կտրականապես դեմ է նրա հետ պաշտոնական շփումներին և սպառնում է հարկ եղած դեպքում նրան նորից իր վերահսկողության տակ պահել։
Տաթև Ֆռանգյան
