08.12.2025 | 12:45
ՌԴ Անգարսկի շրջանում արտակարգ դրություն է հայտարարվել ՋԷԿ-ում վթարի պատճառով
ՌԴ խաղաղապահներն արդեն տեղակայվել են Արցախի նոր միջանցքում․ ՄԻՊ-ը՝ անհետ կորածների թվի մասին․ Լուրեր
Քաղաքականություն
30.08.2022 | 13:31
- Ռուս խաղաղապահներն արդեն տեղակայվել են Ստեփանակերտ-Գորիս նոր ճանապարհին։ Այս մասին հայտնել է Արցախի ՏԿԵՆ խոսնակը։ Նոր երթուղու ժամանակավոր հատվածն ամբողջությամբ ասֆալտապատված է։ Այն գործելու է նույն տրամաբանությամբ, ինչ Ստեփանակերտ-Գորիս-Բերձոր ճանապարհը։ Նոր երթուղին արդեն գործում է, մինչև Արցախը Հայաստանին կապող միջանցքի հիմնական ճանապարհահատվածի կառուցման ավարտը: Հիշեցնենք, որ այսօր երեկոյան փոխվելու է Սյունիքից Արցախ անցնող ճանապարհը։ Բերձորով անցնող միջանցքին փոխարինելու է ավելի հարավով անցնող նոր ճանապարհը։
- Այսօր՝ օգոստոսի 30-ին, Մոսկվայում կհանդիպեն Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովները։ Սա երկու երկրների փոխվարչապետների ղեկավարած հանձնաժողովների երկրորդ հանդիպումն է։
- ՄԻՊ Քրիստիննե Գրիգորյանը ուղերձ է հղել, որում ասվում է, որ Կարմիր խաչի միջազգային կոմիտեի 2022 թ. օգոստոսին ներկայացրած տվյալների համաձայն՝ 2020թ. պատերազմի հետևանքով 303 անձ Հայաստանից դեռևս անհայտ կորած է համարվում:
Այս ժամի լուրերը՝ տեսանյութում։
