17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Մենք ռուս զինվորականներին քշելու ենք դեպի ուկրաինական սահման․ Զելենսկի
Քաղաքականություն
30.08.2022 | 13:47
Ուկրաինական բանակը ռուսական զորքերը կքշի դեպի սահման։ Այս մասին հայտարարել է Ուկրաինայի նախագահ Վլադիմիր Զելենսկին հայրենակիցներին ուղղված տեսաուղերձում, գրում է DW-ի ռուսական ծառայությունը։
«Դեպի մեր սահմաններ, որի գիծը չի փոխվել»,- ընդգծել է նա։
Երկրի ղեկավարը հավելել է, որ մի շարք հանդիպումներ է ունեցել բանակի, ռազմարդյունաբերական հատվածի և կառավարության ներկայացուցիչների հետ, սակայն մանրամասներ չի հայտնել։
«Կարևոր թեմա է, և դրա մասին բարձրաձայնելը սխալ է: Բայց բոլորը ժամանակի ընթացքում տեսնում են արդյունքը: Նրանք տեսնում են, երբ մեր պաշտպանները ոչնչացնում են թշնամու նյութատեխնիկական ապահովումը, հենակետերը, հրամանատարական կենտրոնները: Մենք դա կշարունակենք»,- վստահեցրել է Ուկրաինայի նախագահը:
Զելենսկին դիմել է նաև ռուս զինվորականներին։
«Գնա՛ տուն։ Եթե վախենում ես վերադառնալ Ռուսաստանում քո տուն, լավ, թող այդպիսի օկուպանտները հանձնվեն, և մենք նրանց երաշխավորում ենք Ժնևի կոնվենցիաների բոլոր նորմերի կատարումը»,- ասել է Ուկրաինայի ղեկավարը։
Տաթև Ֆռանգյան
