06.11.2024 | 12:58
Անհամբեր սպասում եմ կրկին միասին աշխատելուն․ ՆԱՏՕ-ի գլխավոր քարտուղարը շնորհավորել է Թրամփին
Իսրայելի բանակին և հետախուզական մարմիններին հանձնարարվել է պատրաստվել Իրանի հետ բախման ցանկացած սցենարի
Քաղաքականություն
29.08.2022 | 19:45
Իսրայելի վարչապետ Յաիր Լապիդը հանձնարարել է երկրի բանակին և հետախուզական մարմիններին պատրաստվել Իրանի հետ հնարավոր բախման ցանկացած սցենարի։ Այդ մասին նա խոսել է՝ մեկնաբանելով Իրանի միջուկային ծրագրի շուրջ Գործողությունների համատեղ համապարփակ ծրագրի (ԳՀՀԾ) հնարավոր վերականգնումը, գրում է Նեզավիսիմայա գազետան։
«Մենք պատրաստ կլինենք գործել Իսրայելի անվտանգությունը պահպանելու համար։ Սա հասկանում են ամերիկացիները, սա հասկանում է ողջ աշխարհը, սա պետք է իմանա նաև իսրայելական հասարակությունը»,- գրել է Լապիդը սոցցանցի իր էջում։
Ուրբաթ օրը ՄԱԳԱՏԷ-ի գլխավոր տնօրեն Ռաֆայել Գրոսսին հայտարարել էր, թե Իրանի հետ համաձայնագրի կնքումն ավելի մոտ է, քան երբևէ։ Լապիդի դիտարկմամբ «միջուկային գործարքը» չի երաշխավորում, որ Իրանը չի շարունակի միջուկային զենք ստանալու ուղղությամբ աշխատանքները։
Տաթև Ֆռանգյան
