15.09.2026 | 18:10
ԵԽ-ն հաստատեց ՀՀ-ի համար առևտրի արտոնյալ պայմանների ռեժիմը // Առուշ Առուշանյանը չի ազատազրկվի․ ԼՈՒՐԵՐ
ԱՄՆ-ը ԵԱՀԿ Մինսկի խմբի նոր համանախագահ է նշանակել
Քաղաքականություն
25.08.2022 | 10:46
ԱՄՆ պետքարտուղար Էնթոնի Բլինքենը Ֆիլիպ Ռիքերին նշանակել է կովկասյան բանակցությունների գծով ԱՄՆ Պետդեպարտամենտի նոր ավագ խորհրդական, հայտնում է պետքարտուղարությունը։
«Ես դեսպան Ֆիլիպ Ռիքերին նշանակում եմ Կովկասում բանակցային հարցերով ավագ խորհրդական։ Այս պաշտոնում դեսպան Ռիքերը կծառայի որպես ԵԱՀԿ Մինսկի խմբի ամերիկացի համանախագահ և ԱՄՆ պատվիրակության անունից գլխավոր բանակցողը Ժնևի միջազգային քննարկումներում այս կրիտիկական ժամանակաշրջանում»,- ասված է Բլինքենի հայտարարության մեջ։
Հայտարարության մեջ ասվում է, որ Միացյալ Նահանգները «հանձնառու է օգնել Հայաստանին և Ադրբեջանին բանակցել Լեռնային Ղարաբաղի հակամարտության երկարաժամկետ քաղաքական կարգավորման շուրջ»:
Ըստ Բլինքենի՝ «Ռիքերը երկկողմանի հիմունքներով կաշխատի համախոհ գործընկերների հետ, ինչպիսին Եվրամիությունն է, և ԵԱՀԿ Մինսկի խմբի համանախագահի իր դերակատարությամբ կնպաստի Հայաստանի և Ադրբեջանի միջև ուղիղ երկխոսությանը»:
Նախկինում ավագ խորհրդականի պաշտոնը զբաղեցնում էր Էնդրյու Շոֆերը։ Պետքարտուղարությունը չի հայտնել փոխարինման պատճառների մասին։
Տաթև Ֆռանգյան
