26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Բորիս Ջոնսոնը կրկին Կիև է ժամանել․ նա հայտնել է Ուկրաինային նոր ռազմական օգնության մասին
Քաղաքականություն
24.08.2022 | 19:19
Մեծ Բրիտանիայի վարչապետ Բորիս Ջոնսոնն Ուկրաինայի Անկախության օրը՝ օգոստոսի 24-ին ժամանել է Կիև։ Ջոնսոնը Վլադիմիր Զելենսկու հետ լուսանկար է հրապարակել Twitter-ում։
«Այն, ինչ տեղի է ունենում Ուկրաինայում, կարևոր է բոլորիս համար։ Այդ իսկ պատճառով ես այսօր Կիևում եմ։ Այդ իսկ պատճառով Մեծ Բրիտանիան կշարունակի մնալ մեր ուկրաինացի ընկերների կողքին։ Ես հավատում եմ, որ Ուկրաինան կարող է հաղթել այս պատերազմում, և դա տեղի կունենա»,- գրել է վարչապետը։
Այցի ընթացքում Մեծ Բրիտանիայի վարչապետը հայտարարել է 54 մլն ֆունտ սթեռլինգի չափով ռազմական օգնության նոր փաթեթի մասին։ Այն ներառում է 2000 անօդաչու թռչող սարք և զինամթերք։
Նշենք, որ պատերազմի ընթացքում Բորիս Ջոնսոնը բազմիցս է Կիև եկել, նույնիսկ զբոսնել է Ուկրաինայի մայրաքաղաքի փողոցներով:
Քանի որ Մեծ Բրիտանիայի իշխող Պահպանողական կուսակցությունը և երկրի կառավարությունը սեպտեմբերին նոր առաջնորդ են ունենալու, սա, հավանաբար, Ջոնսոնի վերջին այցն է Ուկրաինա՝ որպես վարչապետ:
What happens in Ukraine matters to us all.
That is why I am in Kyiv today.
That is why the UK will continue to stand with our Ukrainian friends.
I believe Ukraine can and will win this war. pic.twitter.com/FIovnqJGTS
— Boris Johnson (@BorisJohnson) August 24, 2022
Տաթև Ֆռանգյան
