22.04.2026 | 17:33
Գրոսմայստեր Արամ Հակոբյանը երրորդ տեղն է գրավել միջազգային մրցաշարում
ՀՀ կառավարությանն են նվիրաբերվել «Զանգեզուրի պղնձամոլիբդենային կոմբինատ»-ի ևս 6.8 % բաժնետոմսեր. ՏԵՍԱՆՅՈւԹ
Տնտեսություն
24.08.2022 | 12:19
«Զանգեզուրի պղնձամոլիբդենային կոմբինատ» փակ բաժնետիրական ընկերության՝ Հայաստանի Հանրապետության սեփականությունը հանդիսացող 6,875 տոկոս բաժնետոմսերով հավաստված իրավունքները հանձվեցին «Հայաստանի պետական հետաքրքրությունների ֆոնդ» (ԱՆԻՖ) փակ բաժնետիրական ընկերության հավատարմագրային կառավարմանը:
Վարչապետի աշխատակազմի ղեկավարի տեղակալ Բագրատ Բադալյանը նշեց, որ ԱՆԻՖ-ի մանդատներից մեկը ռազմավարական նշանակության ակտիվներում պետության՝ որպես սեփականատեր, արդյունավետ ներկայացուցչությունն է:
Վարչապետ Նիկոլ Փաշինյանը հիշեցրեց, որ 2021 թ. սեպտեմբերի 30-ին Կառավարությունը ստացել է Զանգեզուրի պղնձամոլիբդենային կոմբինատի բաժնետոմսերի 15 տոկոսը՝ որպես նվիրատվություն:
«Այն ժամանակ մենք կառավարումը հանձնեցինք ԱՆԻՖ-ին կամ «Հայաստանի պետական հետաքրքրությունների հիմնադրամին»։ 2022 թ. մարտի 24-ին մենք որպես նվիրատվություն ստացել ենք ևս 6.8 տոկոս: Այն ժամանակ նվիրատվությունը որոշվել է գաղտնի, քանի որ նվիրատուն բիզնես գաղտնիությունը պահպանելու խնդիր է ունեցել: Երբ իրենց կողմից այդ գաղտնիության անհրաժեշտությունը վերացել է, արդեն մենք այդ բաժնեմասը ևս հանձնում ենք «Հայաստանի պետական հետաքրքրությունների հիմնադրամին» կառավարման համար»,- նշեց Փաշինյանը:
Վարչապետն հավելեց, որ հիմնական արձանագրումն այն է, որ ՀՀ Կառավարությունն այլևս, այսինքն՝ մարտի 24-ից հետո, ունի 21.875 տոկոս բաժնեմաս:
«Կարծում եմ և էլի ուզում եմ ընդգծել, որ նաև նման նախընտրական խոստմամբ ես հանդես եմ եկել 2021 թ. նախընտրական քարոզարշավի ժամանակ Կապան քաղաքում տեղի ունեցած նախընտրական հանդիպման ժամանակ և ուրախ եմ արձանագրել, որ այս մի նախընտրական խոստումը նույնպես ի կատար է ածված, և հույս ունեմ, որ այս որոշումը կնպաստի և՛ հանքարդյունաբերության ոլորտի թափանցիկությանը, և՛ ընդհանրապես պետական եկամուտների գեներացմանը և ընդհանուր մեր երկրի զարգացմանը»,- նշեց վարչապետը:
Մանրամասները՝ տեսանյութում։
