19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
Յուրաքանչյուր 500 մլն դրամ ներդրում անելու դեպքում 20%-ի չափով օժանդակություն կտրամադրվի. նախարար
Տնտեսություն
24.08.2022 | 12:14
«Շատ մարդիկ, որոնք գործարաններ, հյուրանոցներ են կառուցում, տարբեր տեսակի ներդրումներ կատարում, համարյա միշտ խնդիրներ են ունենում՝ ենթակառուցվածքների հետ կապված: Առաջարկվում է այս միջոցառմամբ ներդրողներին խրախուսել՝ կատարել իրենց ներդրումը, փոխարենն օգնելով ենթակառուցվածքային օժանդակությամբ»,- Կառավարության այսօրվա նիստի ժամանակ նշեց ՀՀ Էկոնոմիկայի նախարար Վահան Քերոբյանը։
«Ի՞նչ ենք մենք առաջարկում. եթե որևէ ներդրող մինչև 500 միլիոն դրամի չափով ներդրոմ է կատարում, ապա մենք պատրաստ ենք այդ գումարի 20 տոկոսի չափով տրամադրել այն ենթակառուցվածքը, որն իրեն անհրաժեշտ է։ Եթե դրանից ավելի գումար է, 500 միլիոնը գերազանցող գումարի մասով՝ 10 տոկոսի չափով։
Եթե, օրինակ, ինչ-որ մեկը 1 միլիարդ դրամի ներդրում է անում, 500 միլիոնի 20 տոկոսի և մյուս 500 միլիոն դրամի 10 տոկոսի չափով օժանդակություն ենք պատրաստ տալ»,- նշեց նախարարը՝ հավելելով, որ այս ծրագրով ընդգրկվում են տնտեսության գրեթե բոլոր ճյուղերը:
ՀՀ վարչապետ Նիկոլ Փաշինյանն հիշեց՝ նման խոստմամբ ինքը հանդես է եկել դեռևս 2019 թվականին։ «Մենք գործընկերության մոդել ենք առաջարկում և խրախուսում ենք ներդրումը»,- նշեց վարչապետը։
Մանրամասները՝ տեսանյութում:
