10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Չավուշօղլուի սպառնալիքը ՀՀ-ին, ՌԴ խաղաղապահների խոստումները ԱՀ խորհրդարանականներին․ Լուրեր
23.08.2022 | 17:23
- ՀՀ վարչապետ Նիկոլ Փաշինյանը 2 օրից աշխատանքային այցով կմեկնի Ղրղզստանի Հանրապետություն՝ մասնակցելու Եվրասիական տնտեսական միության միջկառավարական խորհրդի հերթական նիստին:
- ԱՀ խորհրդարանական 5 ուժերի ղեկավարներն այսօր հանդիպել են ՌԴ խաղաղապահ զորակազմի ղեկավարության հետ։ ՌԴ խաղաղապահ զորակազմի պատասխանատուները նշել են, որ ՀՀ-ն Արցախի հետ կապող նոր երթուղին ունենալու է նույն միջանցքի իրավական կարգավիճակը, և պահպանվելու են բոլոր անվտանգային բաղադրիչները՝ սկսած 5 կմ-ոց անվտանգային գոտուց մինչև ՌԴ խաղաղապահ ուժերի անցակետերի տեղակայում։
- Թուրքիայի արտգործնախարար Մևլութ Չավուշօղլուն «Haber Global» լրատվամիջոցին տված հարցազրույցում անդրադարձել է հայ-թուրքական և ՀՀ-ի և Ադրբեջանի հարաբերություններին։ «Ադրբեջանի հաղթանակից հետո մենք նպատակ դրեցինք Հարավային Կովկասում մնայուն խաղաղություն հաստատել և այդ ուղղությամբ քայլեր ենք ձեռնարկում: Եղել են հանդիպումներ, վստահությունը մեծացնող այնպիսի քայլեր են արվել, ինչպիսիք են թռիչքների մեկնարկը, մեր օդային տարածքը բացելը, որոշ քայլեր են արվել առևտրի հետ կապված: Սահմանին համատեղ գործնական աշխատանքներ են տարվում՝ նպատակով, որ եթե ապագայում սահմանները բացվելու որոշում լինի, ապա դրանք պատրաստ լինեն»,- ասել է Չավուշօղլուն։
Այս ժամի լուրերը՝ տեսանյութում։
