08.06.2026 | 10:00
Նիկոլ Փաշինյանը մասնակցում է 2025 թ․ բյուջեի կատարողականի նախնական քննարկումներին. ՈՒՂԻՂ
Ռումինիայի նախագահը հայտարարել է, որ Սև ծովը ՆԱՏՕ-ի ռազմավարական հետաքրքրությունների գոտի է
Քաղաքականություն
15.08.2022 | 19:50
Սև ծովը եվրատլանտյան անվտանգության համար ՆԱՏՕ-ի ռազմավարական հետաքրքրության գոտի է հանդիսանում։ Այս մասին հայտարարել է Ռումինիայի նախագահ Կլաուս Յոհանիսը, փոխանցում է RFI-ը։
«Մենք գտնվում ենք Սև ծովում՝ Ուկրաինայի դեմ Ռուսաստանի կողմից սանձազերծված անարդար ու դաժան պատերազմից ընդամենը մի քանի հարյուր կիլոմետր հեռավորության վրա․ զինված հակամարտություն, որը շատերը հնարավոր չէին համարում մեր ժամանակների Եվրոպայում: Այսօր Սև ծովը եվրատլանտյան անվտանգության ռազմավարական հետաքրքրություն ներկայացնող գոտի է, ինչի մասին մենք և մեր դաշնակիցները հստակ նշել ենք Մադրիդի գագաթնաժողովում հաստատված ՆԱՏՕ-ի ռազմավարական հայեցակարգում»,- ասել է նա։
Ռումինիայի նախագահի խոսքով՝ դրա մասին է վկայում ոչ միայն ողջ տարածաշրջանի աննախադեպ տեսանելիությունը, այլև Ռումինիայում դաշնակիցների ավելի քան 5000 զինվորականների առկայությունը։
Հիշեցնենք, որ ավելի վաղ ՌԴ նախագահ Վլադիմիր Պուտինը հաստատել էր ծովային նոր դոկտրին, որտեղ նա Սև ծովն անվանել է «ազգային շահերի գոտի», իսկ ՆԱՏՕ-ն՝ սպառնալիք։
Տաթև Ֆռանգյան
