01.05.2024 | 23:43
Կիրանցում ունենք սահմանազատման ենթակա 11 կետ. Նիկոլ Փաշինյան. ՏԵՍԱՆՅՈՒԹ
«Ոչ ոք մեզ չի կարող կանգնեցնել, կարող ենք ցանկացած ժամանակ, ցանկացած օպերացիա իրականացնել»․ Ալիևի հերթական սպառնալիքները
Քաղաքականություն
12.08.2022 | 18:40
Ադրբեջանի նախագահ Իլհամ Ալիևը հերթական անգամ կեղծ հայտարարություններ է արել և սպառնալիքներ հնչեցրել Հայաստանի ու Արցախի հասցեին։ Մասնավորապես, նա հաստատել է, որ Ադրբեջանն օգոստոսի 3-ին Արցախի դեմ հարձակում է իրականացրել ու սպառնացել է նոր ռազմական գործողություններով։
Նա նշել է, որ «Հատուցում» գործողությունը «պատժի միջոց է»։
«Եթե նրանք նման սադրանք անեն, ապա պատասխանը նույնն է լինելու։ Ոչ ոք չի կարող մեզ խանգարել, ոչ ոք չի կարող մեզ կանգնեցնել»,- ասել է Ալիևը AZTV-ին տված հարցազրույցում։
«Մենք կարող ենք ցանկացած ժամանակ, ցանկացած գործողություն իրականացնել մեր հողում։ «Հատուցում» օպերացիայի արդյունավետությունն ու կարճ տևողությունը ցույց են տալիս, որ մենք ունենք ուժ, միաժամանակ, մենք չենք ուզում նոր պատերազմ, քանի որ Ղարաբաղյան երկրորդ պատերազմը ցույց տվեց մեր ուժը, մենք հասանք մեզ ցանկալիին ռազմական, հետո ռազմաքաղաքական ճանապարհով։ Մենք կիրականացնենք մեր մյուս երազանքները, երբ ժամանակը գա»,- հայտարարել է Ալիևը՝ սպառնալով․ «Մենք Հայաստանին բազմիցս զգուշացրել ենք, որ կրակի հետ չխաղան, իրենց լավ պահեն, ընդունեն նոր իրողությունները և ռազմական սադրանքների չդիմեն»։
Էմմա Չոբանյան
