22.04.2026 | 10:17
Արտարժույթների փոխարժեքները՝ ապրիլի 22-ի դրությամբ
«Թալիբան»-ը հայտարարել է, որ շարիաթի կանոնները պահպանելու հարցում որևէ զիջում չի լինելու
Քաղաքականություն
11.08.2022 | 22:09
«Աֆղանստանի իսլամական էմիրությունում» (թալիբների կողմից տրված երկրի ինքնանունը) խստորեն պահպանվելու են շարիաթի բոլոր նորմերը, այդ թվում՝ կանանց համար։ Այս մասին հայտարարել է երկրի քարոզչության և արատների կանխարգելման հարցերով նախարարի պաշտոնակատար Մոհամմադ Խալիդ Հանաֆին, հայտնում է EADaily-ն։
«Ես հիջաբի հարցում միջազգային որևէ ճնշման չեմ ենթարկվի և կհետևեմ իսլամական այս կանոնին»,- մասնավորապես ասել է Հանաֆին։
Բացի այդ, նա նշել է, որ բոլոր մահմեդական գիտնականները, մզկիթի իմամները և համայնքների երեցները պետք է հանրության մեջ ներարկեն իսլամական կանոնները:
Նրա խոսքով՝ վերջին 20 տարիների ընթացքում երիտասարդ աֆղանցիների մտածելակերպը զգալիորեն փոխվել է, ուստի այժմ նախարարությունում աշխատում է 8 հազար մարդ, որոնք հիմնականում զբաղված են սոցիալական բարեփոխումների իրականացումն ապահովելով։
Ինչ վերաբերում է աֆղան կանանց իրավունքներին, ինչի կապակցությամբ վրդովված են արևմտյան քաղաքական գործիչներն ու իրավապաշտպան տարբեր կազմակերպությունները, Հանաֆին կրկին նշել է, որ դրանք հարգվելու են շարիաթի օրենքներով։
Տաթև Ֆռանգյան
