31.05.2026 | 20:00
չԾխելու ՇԵՐՏԵՐԸ. ինչպես է շրջանցվում արդեն 6 տարի գործող օրենքը․ ՏԵՍԱՆՅՈւԹ
Գյումրիում բախվել են «Opel Astra G»-ն ու «Honda Elysion»-ը․ կան տուժածներ
11.08.2022 | 10:56
Օգոստոսի 10-ին, ժամը 19:14-ին Շիրակի մարզային ճգնաժամային կառավարման կենտրոն ահազանգ է ստացվել, որ Գյումրի քաղաքի Երևանյան խճուղում տեղի է ունեցել ՃՏՊ, կա արգելափակված քաղաքացի։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից մեկ մարտական հաշվարկ:
Պարզվել է, որ Երևանյան խճուղու թիվ 141 շենքի մոտակայքում բախվել են «Opel Astra G» (վարորդ՝ Վ․ Գ․, ծնված 1967 թ.) և «Honda Elysion» (վարորդ՝ Ա․ Դ․, ծնված 1980 թ.) մակնիշների ավտոմեքենաները, ինչի հետևանքով «Opel Astra G» մակնիշի ավտոմեքենայի վարորդն արգելափակվել է ավտոմեքենայում:
Մինչ փրկարարների կանչի վայր հասնելը՝ «Honda Elysion» մակնիշի ավտոմեքենայի վարորդը ավտոմեքենայից դուրս է բերվել տեղի ուժերով, իսկ «Opel Astra G» մակնիշի ավտոմեքենայի վարորդին փրկարարները մոտեցրել են շտապօգնության ավտոմեքենային։
Տուժածները հոսպիտալացվել են Գյումրու ԲԿ, որտեղ Ա. Դ․-ն, ստանալով համապատասխան բուժօգնություն, դուրս է գրվել, իսկ Վ. Գ․-ի առողջական վիճակը գնահատվել է բավարար:
