20.11.2024 | 16:30
Հայտնաբերվել են ալկոհոլային խմիչքի ընդհատակյա արտադրամասեր
Չինաստանը զորավարժությունների շրջանակներում 20 ինքնաթիռ և 14 ռազմանավ է ուղարկել Թայվան
Քաղաքականություն
06.08.2022 | 18:00
Չինաստանի Ժողովրդական ազատագրական բանակը լայնածավալ զորավարժությունների երրորդ օրը 20 ինքնաթիռ և 14 ռազմանավ է ուղարկել Թայվան, «ՌԻԱ Նովոստի»-ի փոխանցմամբ՝ Twitter-ում հայտնել է կղզու պաշտպանական գերատեսչությունը:
Պեկինը ուղարկել է 4-ական J-11 և J-16 կործանիչներ, 10 Սու-30 ինքնաթիռ, ինչպես նաև Y-20 ծանր ռազմատրանսպորտային ինքնաթիռ և Y-8 հականավային ինքնաթիռ:
Թայբեյն, իր հերթին, օդային պարեկություն է կազմակերպել իրավիճակին հետեւելու համար, ինչպես նաեւ զենիթահրթիռային համալիրներ Է տեղակայել, հավելել են գերատեսչությունում:
Հինգշաբթի օրը Չինաստանի բանակը լայնածավալ զորավարժություններ է սկսել Թայվանի շուրջ։ Այս զորավարժություններն սկսվել են կղզու շուրջ իրադրության սրման ֆոնին ՝ ԱՄՆ Ներկայացուցիչների պալատի խոսնակ Նենսի Փելոսիի այցի պատճառով: Նա դարձել է ամերիկացի ամենաբարձրաստիճան պաշտոնյան, ով վերջին 25 տարվա ընթացքում այցելել է Թայվան։
