12.09.2026 | 14:22
Զելենսկին պատրաստ է Պուտինի հետ հանդիպել G20-ի գագաթնաժողովում
Մենք պատրաստ ենք արտահանել ուկրաինական հացահատիկը. Զելենսկի
Քաղաքականություն
30.07.2022 | 12:35
Ուկրաինայի նախագահը ժամանել է Օդեսայի նավահանգիստ՝ Ուկրաինայից հացահատիկն արտահանման ուղարկելու նպատակով, գրում է BBC-ի ռուսական ծառայությունը։
«Մենք պատրաստ ենք արտահանել ուկրաինական հացահատիկը: Մեզ համար կարևոր է մնալ համաշխարհային պարենային անվտանգության երաշխավորը: Մինչ ինչ-որ մեկը, փակելով Սև ծովը, խլում է այլ պետությունների կյանքը, մենք նրանց հնարավորություն ենք տալիս գոյատևել»,- ասել է Ուկրաինայի նախագահը:
Նրա խոսքով՝ ուկրաինական նավահանգիստներից հացահատիկի արտահանումը պետք է սկսվի մոտ ապագայում։
«Հենց թուրքական կողմը և ՄԱԿ-ը ազդանշան տան, որ պատրաստ են բեռներ ընդունել, ամեն ինչ կսկսվի, կարծում եմ՝ ամեն ինչ կսկսվի այսօր կամ վաղը»,- ասել է Զելենսկին։
Օդեսայում Ուկրաինայի նախագահը հանդիպել է G7 երկրների դեսպանների հետ, որոնք եկել էին վերահսկելու «հացահատիկային միջանցքի» գործարկումը։
Մեկ շաբաթ առաջ ռուսական և ուկրաինական պատվիրակությունները Թուրքիայի նախագահի միջնորդությամբ և ՄԱԿ-ի գլխավոր քարտուղարի ներկայությամբ պայմանագիր են ստորագրել Սև ծովի նավահանգիստներից հացահատիկի արտահանման վերաբերյալ։
Տաթև Ֆռանգյան
