22.04.2026 | 10:17
Արտարժույթների փոխարժեքները՝ ապրիլի 22-ի դրությամբ
Թուրքական «Բայքար» ընկերությունն ևս մեկ «Բայրաքթար» կնվիրի Ուկրաինային
Քաղաքականություն
28.07.2022 | 23:30
Թուրքական «Բայքար» ընկերությունը ևս մեկ անվճար Բայրաքթար անօդաչու թռչող սարք կնվիրի Ուկրաինայի զինված ուժերին, որի համար գումար էին հավաքել Լեհաստանի քաղաքացիները, գրում է Unian-ը։ Այս մասին թուրքական ընկերությունը հայտնել է դրամահավաքի կազմակերպիչ, լեհ լրագրող Սլավոմիր Սերակովսկուն։
«22,5 միլիոնը, որը նախատեսված էր անօդաչուի համար, կտրամադրվի Ուկրաինային հումանիտար օգնության համար, իսկ 1,8 միլիոնը, որը հաջողվել էր հավաքել, կփոխանցվի Ուկրաինայի զինված ուժերին»,-ասել է Սերակովսկին։
Հիշեցնենք, որ սա առաջին դեպքը չէ, երբ թուրքական ընկերությունն իր անօդաչու սարքերն անվճար է փոխանցնում Ուկրաինայի զինված ուժերին։
Ավելի վաղ էլ լիտվացիներն էին հավաքել գրեթե 6 մլն եվրո «Բայրաքթար» գնելու համար, որից հետո Բայքար ընկերություն որոշեց անօդաչուն անվճար փոխանցել։
Էմմա Չոբանյան
