16.09.2026 | 15:53
FIA-ն ներկայացրել է Ֆորմուլա-1-ի օրացույցը 2027-ին. ԼՈՒՍԱՆԿԱՐ
ԱՄՆ Սենատը Սպիտակ տանը կոչ է արել Ռուսաստանը ճանաչել որպես «ահաբեկչության հովանավոր պետություն»
Քաղաքականություն
28.07.2022 | 18:03
ԱՄՆ Սենատը Սպիտակ տանը կոչ է արել Ռուսաստանը ճանաչել որպես «ահաբեկչության հովանավոր պետություն»։ Բանաձևն ընդունվել է միաձայն, հայտնում է The New York Times-ը։ Բանաձևի տեքստում սենատորները Պետդեպարտամենտին կոչ են անում «Ռուսաստանը որպես ահաբեկչության հովանավոր ճանաչել Չեչնիայում, Վրաստանում, Սիրիայում և Ուկրաինայում գործողությունների համար, որոնք հանգեցրել են անթիվ անմեղ զոհերի»: Ակնկալվում է, որ փաստաթուղթը աջակցություն կստանա ներկայացուցիչների պալատի խոսնակ Նենսի Փելոսիի կողմից, որը զգալի ազդեցություն ունի Դեմոկրատական կուսակցությունում։ Ամեն դեպքում, վերջնական որոշումը պետք է կայացնի պետքարտուղարությունը, որն իրականացնում է ԱՄՆ արտաքին գործերի նախարարության գործառույթները։
Դեռևս մայիսի 3-ին Ուկրաինայի Գերագույն Ռադան դիմել էր Կոնգրեսի երկու պալատներին՝ խնդրելով Ռուսաստանը ճանաչել «որպես ահաբեկչությունը հովանավորող երկիր»։ Նախագահի աշխատակազմի ղեկավար Անդրեյ Երմակը հուլիսին տված հարցազրույցում ասել էր, որ Զելենսկու վարչակազմը դա տեսնում է որպես իր արտաքին քաղաքականության հիմնական նպատակներից մեկը։
Տաթև Ֆռանգյան
