22.04.2026 | 17:33
Գրոսմայստեր Արամ Հակոբյանը երրորդ տեղն է գրավել միջազգային մրցաշարում
Վիրավոր ուկրաինացի զինվորականները կարող են բուժվել Գերմանիայում ամերիկյան հիվանդանոցներից մեկում
Քաղաքականություն
27.07.2022 | 18:08
ԱՄՆ պաշտպանության նախարարությունը պաշտոնապես հաստատել է Գերմանիայում գտնվող ամերիկյան ռազմական հոսպիտալում վիրավոր ուկրաինացի զինվորներին բուժելու ծրագիրը։ Այս մասին հայտանել է Պենտագոնի բարձրաստիճան պաշտոնյան, գրում է VOA-ն։
Ուկրաինացիները բուժում կարող են անցնել Լանդստուլի տարածաշրջանային բժշկական կենտրոնում՝ Մայնի Ֆրանկֆուրտի մոտ գտնվող Ռամշտայն ամերիկյան ռազմաբազայից ոչ հեռու։ Դա ամենամեծ ամերիկյան ռազմական հոսպիտալն է Միացյալ Նահանգներից դուրս:
Պենտագոնի ներկայացուցիչը, որը ցանկացել է անանուն մնալ, հայտնել է, որ մինչ այժմ ոչ մի ուկրաինացի վիրավոր զինվոր դեռևս չի ընդունվել հիվանդանոց՝ ընդգծելով, որ ամերիկյան զորքերը չեն տեղակայվի Ուկրաինայում՝ ուկրաինացի վիրավորներին տարհանելու համար: Հիշեցնենք՝ հունիսին Ուկրաինական կողմը հայտնել էր, որ օրական 100-200 զոհ է տալիս, սակայն վիրավորների ճշգրիտ թիվ մինչ օրս հայտնի չէ։
Տաթև Ֆռանգյան
