05.06.2026 | 21:40
Ռուսաստանից Հայաստան չվերթների թիվը հունիսի 4-6-ին աճել է մոտ 33%-ով
Պատմական արդյունք հայկական ակումբային ֆուտբոլում․ «Փյունիկը» ՉԼ-ի որակավորման 3-րդ փուլում է․ՏԵՍԱՆՅՈՒԹ
27.07.2022 | 11:24
Հայաստանի 15-ակի չեմպիոն «Փյունիկը» երեկ անկախ Հայաստանի ակումբային ֆուտբոլի պատմության մեջ աննախադեպ արդյունք գրանցեց։ Հայկական թիմը ՈՒԵՖԱ-ի Չեմպիոնների լիգայի որակավորման երրորդ փուլում է։
Որակավորման երկրորդ փուլում Հայաստանի չեմպիոնի մրցակիցը Լյուքսեմբուրգի չեմպիոն «Դյուդելանժն» էր։ Հուլիսի 19-ին Երևանում կայացած առաջին խաղում լյուքսեմբուրգյան ակումբին հաջողվել էր 11-մետրանոց հարվածից խփված գոլի շնորհիվ նվազագույն հաշվով հաղթանակ տանել։
Հուլիսի 26-ին Լյուքեմբուրգում կայացած պատասխան խաղում դաշտի տերերը դարձյալ առաջինը հաջողության հասան, սակայն 21-րդ րոպեին խփված գոլին հայկական թիմը պատասխանեց ընդամենը 3 րոպե անց։ Առաջին խաղակեսն ավարտվեց 1-1 հաշվով;
Երկրորդ խաղակեսում երևանյան ակումբը կարողացավ ևս 3 գնդակ ուղարկել մրցակցի դարպասը․ խաղն ավարտվեց «Փյունիկի» խոշոր հաշվով հաղթանակով՝ 1-4։ Երևանյան թիմի կազմում աչքի ընկան Ժունինյոն, Լուկա Յուրիչիչը (դուբլ) և Յուսուֆ Օտուբանջոն:
Այսպիսով՝ Երևանի «Փյունիկ»-ը պատմական արդյունք գրանցեց` դուրս գալով ֆուտբոլի Չեմպիոնների լիգայի որակավորման երրորդ փուլ, որտեղ մրցակիցը Սերբիայի չեմպիոն «Ցրվենա Զվեզդա»-ն է:
