15.12.2025 | 18:01
Զինվորին, ըստ ՔԿ-ի, ինքնասպանության են հասցրել // ԱՄՆ-ն ցանկանում է` Կիևը զիջի արևելյան Դոնբասը
Չինաստանի՝ Ռուսաստանում ներդրումներից հրաժարվելը հարված է Պուտինին․Daily Telegraph
Քաղաքականություն
26.07.2022 | 20:20
Չինաստանը ամիսներ շարունակ ձեռնպահ է մնացել Ռուսաստանում որևէ նոր ենթակառուցվածքային նախագծի ֆինանսավորումից՝ կենտրոնանալով երկրում ֆինանսական ճգնաժամի կանխման վրա, գրում է բրիտանական Daily Telegraph թերթը։
Ըստ Շանհայի Ֆուդանի համալսարանի հետազոտողների՝ Չինաստանի «Մեկ գոտի և մեկ ճանապարհ» նախաձեռնության շրջանակներում ներդրումները 2022 թվականի առաջին կիսամյակում նվազել են մինչև 28,4 միլիարդ դոլար՝ նախորդ տարվա նույն ժամանակահատվածի 29,4 միլիարդ դոլարի համեմատ:
Ռուսաստանը, Շրի Լանկան և Եգիպտոսը ոչինչ չեն ստացել այդ միջոցներից: Ինչպես նշում է թերթը, այս երեք երկրները նախկինում եղել են չինական ներդրումների հիմնական շահառումները։ Չինացի ներդրողների՝ Ռուսաստանի հետ կապ հաստատելու դժկամությունը, ըստ թերթի, վկայում է Ուկրաինա ներխուժումից հետո Մոսկվայի նկատմամբ սահմանված երկրորդական պատժամիջոցների տակ ընկնելու մտավախության մասին՝ չնայած պատերազմի մեկնարկից անմիջապես առաջ Պեկինի և Մոսկվայի հավաստիացումներին իրենց «անսահման բարեկամության» մասին։
Տաթև Ֆռանգյան
