22.04.2026 | 13:00
ՌԴ ԱԽ-ն հայտարարել է, թե ԵՄ-ին անդամակցելով՝ «Հայաստանը կկորցնի իր ՀՆԱ-ի 23 տոկոսը»
Եվրոպայում հրաժարվում են վերանորոգել ռուս ձկնորսների նավերը
Քաղաքականություն
26.07.2022 | 22:49
Վերջին ամիսներին ռուսական ձկնորսական ընկերություններն ավելի ու ավելի հաճախ են մերժում ստանում եվրոպական նավահանգիստներում իրենց նավերի վերանորոգման հարցում, հայտնում է РБК-ն՝ վկայակոչելով ոլորտի ներկայացուցիչներին։
Ինչպես հրատարակությանը հայտնել է Ձկնորսության արդյունաբերության համառուսաստանյան ասոցիացիայի նախագահ Գերման Զվերևը, վերջին տարիներին մոտ 400 ռուսական նավեր, որոնք ապահովում են որսի մեծ մասը, վերանորոգվել են արտասահմանյան նավաշինարաններում: Սակայն վերջին շրջանում ռուսական ձեռնարկությունները դրանք վերանորոգելու տեխնիկական հնարավորություն չունեն, պարզաբանել է նա։ Ուկրաինա ռուսական ներխուժումից հետո օտարերկրյա նավահանգիստները սկսել են հրաժարվել ռուսական նավերի սպասարկումից։
РБК-ի զրուցակիցների խոսքով՝ Հյուսիսային և Արևմտյան ավազաններում որս իրականացնող նավերը, որոնք սպասարկվում էին Նորվեգիայում, Ֆինլանդիայում, Լեհաստանում և Բալթյան երկրներում, սկսել են խափանումներ ունենալ։ Մերժումները կապված չեն պատժամիջոցների հետ, քանի որ ձկնարդյունահանումը ներառված չէ սահմանափակումների շարքում, դրանք արտասահմանյան ընկերությունների սեփական նախաձեռնություններն են։
Ձկնորսական նավերը վերանորոգման կարիք ունեն ամեն տարի, իսկ նավատորմի տեխնիկական վիճակը կարող է հանգեցնել որսի նվազմանը, զգուշացնում է լրատվականի զրուցակիցներից մեկը։
Տաթև Ֆռանգյան
