16.09.2026 | 14:42
Թբիլիսիում տեղի է ունեցել Trump Tower նախագծի շնորհանդեսը
ԱՄՆ-ի ու Թուրքիայի ՊՆ ղեկավարները քննարկել են իրավիճակը Սիրիայում ու Ուկրաինայում
Քաղաքականություն
26.07.2022 | 23:21
ԱՄՆ-ի ու Թուրքիայի պաշտպանական գերատեսչությունների ղեկավարներ Լլոյդ Օսթինն ու Հուլուսի Աքարը հեռախոսազրույց են ունեցել։ Ամերիկյան կողմի տարածած հաղոդագրության մեջ ասվում է, որ կողմերը քննարկել են Սիրիայում կայունության պահպանման կարևորությունը և Էգեյան տարածաշրջանում լարվածության նվազման շարունակման անհրաժեշտությունը կառուցողական երկխոսության միջոցով։
«Նրանք քննարկել են նաև իրենց շարունակական աջակցությունն Ուկրաինային, և քարտուղար Օսթինը շնորհակալություն է հայտնել նախարար Աքարին Թուրքիայի մարդասիրական ջանքերի համար՝ կապված Ռուսաստանի կողմից Ուկրաինա չհրահրված ներխուժման հետ»,-ասվում է հայտարարության մեջ։
Թուրքիայի ՊՆ տարածած հաղորդագրությունում էլ նշվում է, որ զրույցի ընթացքում Օսթինն ու Աքարը տեղեկատվությամբ ու կարծիքներով են փոխանակվել պաշտպանության և անվտանգության հարցերի շուրջ, մասնավորապես՝ Ուկրաինայից հացահատիկի արտահանման, ահաբեկչության դեմ պայքարի, թուրք-հունական հարաբերությունների և F-16-ների մատակարարման վերաբերյալ։
Էմմա Չոբանյան
