08.06.2026 | 14:56
Մայա Սանդուն շնորհավորել է Նիկոլ Փաշինյանին ընտրություններում հաղթանակի առթիվ՝ «չնայած զանգվածային արտաքին միջամտությանը»
Ուկրաինայում պատերազմն ավելի քան 5200 խաղաղ բնակչի կյանք է խլել
Քաղաքականություն
26.07.2022 | 14:13
Ուկրաինայում Ռուսաստանի Դաշնության կողմից սանձազերծված ռազմական գործողությունների հինգ ամիսների ընթացքում զոհվել է 5 237 խաղաղ բնակիչ, վիրավորվել՝ 7035-ը։ Նման տվյալներ է հրապարակել ՄԱԿ-ի Մարդու իրավունքների գերագույն հանձնակատարի գրասենյակը։ Տվյալները վերաբերում են փետրվարի 24-ից հուլիսի 24-ը ընկած ժամանակահատվածին։ Զոհերից 2019-ը տղամարդ է, 1379-ը՝ կին, 143-ը՝ աղջիկ, 164-ը՝ տղա։ Զոհերի մեջ կա 41 երեխա և 1491 մեծահասակ, որոնց սեռը դեռևս հայտնի չէ։ Հուլիսին հաստատվել էր 285 խաղաղ բնակչի մահվան և 880 վիրավորի մասին։
«Քաղաքացիական զոհերի մեծամասնությունը գրանցվել է հեռահար զինամթերքի կիրառման՝ ծանր հրետանու և հրթիռային համակարգերից հրթիռակոծության, ինչպես նաև օդային հարվածների հետևանքով», -նշել են գրասենյակից։
Ըստ աղբյուրի՝ իրական թվերը «էականորեն ավելի մեծ» են, քանի որ որոշ շրջաններից, որտեղ ինտենսիվ մարտերը շարունակվում են, տեղեկատվության հասանելիությունը ձգձգվում է: Խոսքը, մասնավորապես, վերաբերում է Մարիուպոլիին (Դոնեցկի մարզ), Իզյումին (Խարկովի մարզ), Լիսիչանսկին, Պոպասնային և Սևերոդոնեցկին (Լուգանսկի մարզ):
Նշենք, որ Ուկրաինայի գլխավոր դատախազության տվյալներով ռուսական ագրեսիայի զոհ է դարձել 358 երեխա, վիրավորվել՝ ավելի քան 686-ը։ Ավելի վաղ հաղորդվել էր, որ Ուկրաինա ռուսական ներխուժման սկզբից ի վեր ՄԱԿ-ը ստացել է ավելի քան 150 դիմում ռուս զինվորականների կողմից սեռական բռնության դեպքերի վերաբերյալ։
Տաթև Ֆռանգյան
