Ադրբեջանական կողմը որդեգրել է մեղադրանքների մարտավարություն. Էդուարդ Աղաջանյան․ ՏԵՍԱՆՅՈՒԹ

Հունիսի վերջին տեղի ունեցած ԵԱՀԿ ԽՎ ամառային նստաշրջանի ընթացքում հայկական պատվիրակությունն առաջարկել է որոշակի փոփոխություններ կատարել ԵԱՀԿ ԽՎ քաղաքական հանձնաժողովի վերջնական բանաձևում։ Փոփոխությունները վերաբերում էին Ղարաբաղյան հակամարտությունը լուծելու, Լեռնային Ղարաբաղում հայկական մշակութային ժառանգության պահպանման և հայ գերիներին վերադարձնելու անհրաժեշտությանը։ Սակայն փոփոխությունները չեն հաստատվել և չեն արձանագրվել փաստաթղթի վերջնական տարբերակում։ ԵԱՀԿ ԽՎ-ում ՀՀ ԱԺ պատվիրակության այս տարվա գործունեության ամփոփմանը նվիրված ասուլիսում այս մասին հայտնեց ԵԱՀԿ ԽՎ-ում ԱԺ պատվիրակության ղեկավար Էդուարդ Աղաջանյանը։

«Որևէ պատճառ, թե ինչու պետք է ԵԱՀԿ ԽՎ-ն հրաժարվեր այս թեմաներին անդրադառնալ, մենք չգիտենք և չենք տեսնում: Մեր առաջարկած բոլոր փոփոխությունների հիմնավորումներն առկա էին, մենք նաև առաջարկում էինք հղում կատարել այլ միջազգային կազմակերպությունների կողմից ընդունված բանաձևերին, հայտարարություններին, որպեսզի ԵԱՀԿ ՎԽ-ի շրջանակներում որևէ հարց չառաջանար՝ ձևակերպուների հետ կապված:

Խնդիրը հետևյալն է՝ ադրբեջանական կողմը և պատվիրակությունը որդեգրել են երկկողմանի, նույնաբովանդակ մեղադրանքների մարտավարություն: Եվ երկկողմանի մեղադրանքների հորձանուտում մեր գործընկերների ընկալումները կարող են փոքր-ինչ խեղվել, և իրականությունը նման պայմաներում դժվար է ի հայտ բերել»,- նշեց Աղաջանյանը:

Մանրամասները՝ տեսանյութում։