16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Իսպանիայում կապիկի ծաղիկի բռնկում է գրանցվել․ այն կապված է դաջվածքների սրահի գործունեության հետ
Քաղաքականություն
25.07.2022 | 12:02
Իսպանիայի հարավում գտնվող Անդալուզիայի ինքնավարությունում կապիկի ծաղիկի բռնկում է գրանցվել, որը կապված դաջվածքների սրահի գործունեության հետ, հայտնում է ՌԻԱ Նովոստին։
Գործակալության տվյալներով՝ առողջապահական մարմինները հայտնաբերել են կապիկի ծաղիկով վարակման առնվազն 12 դեպք, որոնք բոլորը կապված են Սան Ֆերնանդո մունիցիպալիտետում դաջվածքներ, միկրոպիգմենտացիաներ և պիրսինգ իրականացնող սրահի աշխատանքի հետ:
Հաղորդվում է, որ հաստատությունը ստուգվել, որից հետո գործունեությունը կասեցվել է: Իշխանությունները համաճարակաբանական հետաքննություն են սկսել, որի շրջանակներում նաև փնտրում են մարդկանց, ովքեր շփվել են հիվանդների հետ։
Հիշեցնենք, մինչ այդ հուլիսի 24-ին Առողջապահության համաշխարհային կազմակերպության (ԱՀԿ) ղեկավար Թեդրոս Ադհանոմ Գեբրիեսուսը կապիկի ծաղիկի բռնկումը միջազգային նշանակության արտակարգ իրավիճակ էր հայտարարել, սակայն նշել էր, որ բռնկումը չափավոր վտանգ է ներկայացնում աշխարհի բոլոր տարածաշրջանների համար, բացառությամբ Եվրոպայի, որտեղ վտանգը բարձր է:
Տաթև Ֆռանգյան
