22.04.2026 | 13:00
ՌԴ ԱԽ-ն հայտարարել է, թե ԵՄ-ին անդամակցելով՝ «Հայաստանը կկորցնի իր ՀՆԱ-ի 23 տոկոսը»
Կրեմլը հաստատել է, որ Ստամբուլում այսօր նախատեսվում է ուկրաինական հացահատիկի վերաբերյալ համաձայնագրի ստորագրում
Քաղաքականություն
22.07.2022 | 15:20
Կրեմլը հաստատել է, որ ՌԴ ՊՆ ղեկավար Սերգեյ Շոյգուն մեկնել է Թուրքիա, որտեղ նախատեսվում է համաձայնագիր ստորագրել՝ կապված Ուկրաինայից հացահատիկի ծովային արտահանման վերականգնման հետ, գրում է Ինտերֆաքսը։
«Այո՛, մենք կարող ենք հաստատել, որ ՊՆ Սերգեյ Շոյգուն մեկնել է Թուրքիա, մենք կարող ենք հաստատել, որ այսօր նախատեսվում է ստորագրում, սակայն եկեք սպասենք, առաջ չընկնենք»,-լրագրողների հետ զրույցում ասել է ՌԴ նախագահի մամուլի խոսնակ Դմիտրի Պեսկովը։ Նա մասնավորեցրել է, թե ինչու է Ռուսաստանի համար կարևոր Ստամբուլում հացահատիկի մասին համաձայնագրի ստորագրումը։
«Ուզում եմ խնդրել ձեզ վերընթերցել նախագահ Պուտինի հայտարարությունները Թեհրանում: Պուտինն ասաց, որ մոտեցող պարենային ճգնաժամի ֆոնին շատ կարևոր է պարարտանյութերի, պարենի և հացահատիկի մատակարարումը համաշխարհային շուկա»,- ասել է Պեսկովը։
Այսօր Ստամբուլում նախատեսված են ուկրաինական հացահատիկի հարցով հերթական բանակցությունները ՌԴ-ի, Ուկրաինայի, Թուրքիայի ու ՄԱԿ-ի ներկայացուցիչների միջև։
Էմմա Չոբանյան
