06.11.2024 | 16:23
Եվրոպական խորհրդարանում անցկացվել է «COP 29-ը Բաքվում. քողարկելով էթնիկ զտումը» խորագրով խորհրդաժողովը
Հայտնի են ՌԴ-ի պահանջները ուկրաինական հացահատիկի բանակցություններում․ ԶԼՄ
Քաղաքականություն
22.07.2022 | 15:56
Լրատվամիջոցներին հայտնի են դարձել ՌԴ-ի պահաջները ուկրաինական հացահատիկի բանակցություններում, գրում է Ռիա Նովոստին։ Մասնավորապես, թուրքական A Haber-ը, վկայակոչելով իր աղբյուրներին հայտնում է, որ Ռուսաստանը «հացահատիկի հարցի» շուրջ բանակցություններում բարձրացրել է նավերի ապահովագրության և սպասարկման պատժամիջոցների վերացման անհրաժեշտության հարցը։
«Ռուսաստանը նաև հայտարարել է, որ ապահովագրության և սպասարկման ոլորտում ռուսական նավերի նկատմամբ սահմանված պատժամիջոցները պետք է չեղարկվեն», – հաղորդում է հեռուստաալիքը։
Բանակցություններին ծանոթ աղբյուրը ՌԻԱ Նովոստիին էլ ավելի վաղ հայտնել էր, որ հացահատիկի հարցով ՄԱԿ-ի մեխանիզմը ենթադրում է հացահատիկով նավերի տեղափոխում անվտանգ ուղիներով և որ դրանք որոշված են։
Հիշեցնենք, որ այսօր Ստամբուլում նախատեսված են ուկրաինական հացահատիկի հարցով հերթական բանակցությունները ՌԴ-ի, Ուկրաինայի, Թուրքիայի ու ՄԱԿ-ի ներկայացուցիչների միջև։ Թուրքական կողմը ազդարարել է նաև փաստաթղթի ստորագրման մասին, որի արարողությանը մասնակցելու են Թուրքիայի նախագահ Ռեջեփ Թայիփ Էրդողանն ու ՄԱԿ-ի գլխավոր քարտուղար Անտոնիո Գուտերեշը։
Էմմա Չոբանյան
