08.06.2026 | 10:50
Ֆլորենտինո Պերեսը վերընտրվել է «Ռեալի» նախագահի պաշտոնում․ ՏԵՍԱՆՅՈՒԹ
ՌԴ-ն եվրոպական մի շարք պետությունների ներառել է ոչ բարեկամ երկրների ցուցակում
Քաղաքականություն
22.07.2022 | 13:44
Հունաստանը, Դանիան, Սլովենիան, Խորվաթիան ու Սլովակիան ներառվել են Ռուսաստանի ոչ բարեկամական երկրների ցուցակում։ Համապատասխան որոշումը ստորագրել է ՌԴ վարչապետ Միխայիլ Միշուստինը, գրում է Ինտերֆաքսը։
«Կառավարությունը թարմացրել է այն օտարերկրյա պետությունների ցանկը, որոնք անբարյացակամ գործողություններ են իրականացնում արտասահմանում Ռուսաստանի դիվանագիտական և հյուպատոսական ներկայացուցչությունների նկատմամբ»,- ասվում է հայտարարության մեջ։
ՌԴ կառավարությունը նշում է նաև ֆիզիկական անձանց թիվը, որոնք գտնվում են Ռուսաստանի տարածքում և որոնց հետ ոչ բարեկամ երկրների դիվանագիտական ներկայացուցչությունները և նրանց հյուպատոսական հաստատությունները կարող են աշխատանքային պայմանագրեր կնքել: Ըստ հրամանագրի՝ Հունաստանի համար սահմանվում է 34 հոգու սահմանաչափ, Դանիայի համար՝ 20, Սլովակիայի՝ 16։ Խորվաթիան ու Սլովենիան ընդհանրապես չեն կարող աշխատողներ ընդունել։ Նշվում է նաև, որ այս ցուցակը վերջնական չէ։
Հավելենք, որ դեռ մարտի սկզբին էր Ռուսաստանի կառավարությունը կազմել օտարերկրյա պետությունների ցանկ, որոնք «ոչ բարեկամական գործողություններ են իրականացնում ՌԴ-ի, ռուսական ընկերությունների և քաղաքացիների նկատմամբ»։
Էմմա Չոբանյան
