16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Ռուսաստանը ծրագրում է Ուկրաինայի տարածքի մեկ հինգերորդը բռնակցել սեպտեմբերի կեսերին․ Bloomberg
Քաղաքականություն
21.07.2022 | 18:49
Կրեմլը ծրագրում է սեպտեմբերի կեսերին հանրաքվե անցկացնել Ուկրաինայի գրավված տարածքների միավորման հարցով, հայտնում է Bloomberg-ը՝ հղում անելով իր աղբյուրներին, գրում է BBC-ի ռուսական ծառայությունը։
Ըստ գործակալության տվյալների՝ քվեարկությունը տեղի է ունենալու Դոնեցկի, Լուգանսկի, Խերսոնի և Զապորոժիեի մարզերում։ Նախապատրաստական աշխատանքներով էլ զբաղվելու է ՌԴ նախագահի աշխատակազմի ղեկավարի առաջին տեղակալ Սերգեյ Կիրիենկոն։
Լրատվամիջոցի աղբյուրները նշում են, որ արդեն գրավված տարածքներից բացի կբռնակցվեն նաև այն շրջանները, որոնք ռուսական բանակը կկարողանա գրավել մինրև սեպտեմբեր։
Եթե Ռուսաստանին հաջողվի միացնել Կիևի կողմից այս պահին չվերահսկվող բոլոր տարածքները, Ուկրաինան կկորցնի իր տարածքի մոտ մեկ հինգերորդը, այդ թվում՝ ցամաքային հաղորդակցությունը Ղրիմի հետ և տրանսպորտային ուղիները Սև ծովում, որոնք առանցքային են ուկրաինական արտահանման համար:
Հավելենք, որ նախօրեին էլ ՌԴ ԱԳ նախարար Սերգեյ Լավրովը հայտարարել էր, որ Ուկրաիայում Ռուսաստանի ներխուժման աշխարհագրական խնդիրները փոխվել են և հիմա այն ավելի լայն տարածք է ընդգրկում քան միայն Դոնեցկի ու Լուգանսկի շրջանների սահմանները։
Էմմա Չոբանյան
