20.11.2024 | 18:19
Ռուսական ինքնաթիռից 250 կգ-անոց ռումբն ընկել է ՌԴ Բելգորոդի շրջանի դպրոցի վրա
Թեհրանում հանդիպել են Թուրքիայի ու Իրանի նախագահները
Քաղաքականություն
19.07.2022 | 13:42
Պաշտոնական այցով Թեհրանում գտնվող Թուրքիայի նախագահ Ռեջեփ Թայիփ Էրդողանը հանդիպել է Իրանի նախագահ Էբրահիմ Ռաիսիին Սաադաբադի պատմական համալիրում, հայտնում է Թուրքիայի նախագահի գրասենյակը։ Նախ տեղի է ունեցել դիմավորման հանդիսավոր արարողություն, որից հետո՝ երկու նախագահների դեմառդեմ հանդիպումը։
Թուրքական լրատվամիջոցներն հաղորդում են, բանակցությունները տևել են շուրջ մեկուկես ժամ՝ մամուլի համար փակ ռեժիմով։ Էրդողանը հանդիպել է նաև Իրանի գերագույն հոգևոր առաջնորդ Ալի Խամենեիի հետ։
Հավելենք, որ Թեհրանում այսօր տեղի է ունենալու Իրանի, Ռուսաստանի և Թուրքիայի ղեկավարների եռակողմ գագաթնաժողովը՝ նվիրված Սիրիայի հակամարտության կարգավորմանը։ Ի դեպ, Էրդողանը երկկողմ հանդիպում է անցկացնելու նաև ՌԴ նախագահ Վլադիմիր Պուտինի հետ։
Էմմա Չոբանյան
