30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թուրքիան վերածվել է կոկաինի շուկայի ու թմրանյութերի տարանցման ճանապարհի․ զեկույց
Քաղաքականություն
18.07.2022 | 23:30
Թուրքիան դարձել է կոկաինի շուկա, ինչպես նաև դեպի Եվրոպա թմրանյութերի անօրինական շրջանառության տարանցման ճանապարհ։ Այս մասին ասվում է Թմրանյութերի դեմ պայքարի վարչության 2022 թ-ի զեկույցում գրում են թուրքական լրատվամիջոցները։
Նշվում է, որ Թուրքիայում կոկաինի առգրավված ծավալների զգալի աճ է գրանցվել։ Զեկույցում նշվում է, որ կոկաինը Կոլումբիայից, Պերուից ու Բոլիվիայից գալիս է Թուրքիա, այնտեղից էլ տարածվում Եվրոպայում և հարավարևելյան Ասիայում։
Նշվում է, որ 2021 թ-ին 4714 մարդ ձերբակալվել է կոկաինի հետ կապված հանցագործությունների համար․ ոստիկանությունն առգրավել է 2841 կգ կոկաին, ինչը Թուրքիայում ռեկորդային թիվ է։ 2021 թ-ի առգրավված կոկաինի քանակությունը 44,9 տոկոսով ավելի է եղել, քան նախորդ տարի։
Էմմա Չոբանյան
